পুনৰ ৭ গৰাকী লোকৰ শৰীৰত কোভিড১৯ পজিটিভ : ৰাজ্যত আক্ৰান্তৰ সংখ্যা ৮৬ লৈ বৃদ্ধি
আজিৰ দিনটোত ৭ গৰাকীকৈ লোকৰ দেহত কোভিড-১৯ পজিটিভ পোৱা গৈছে।
৭ গৰাকীৰ ৩ গৰাকী কেন্সাৰ ৰোগী, এগৰাকী হৃদ ৰোগী আৰু তিনিগৰাকী ৰোগীৰ লগত থকা লোকৰ দেহত এই মাৰাত্মক ভাইৰাছ।
মুম্বাইৰ পৰা কেন্সাৰ আৰু হৃদ ৰোগৰ চিকিৎসা কৰি মঙ্গলবাৰে নিশা সৰুসজাইত উপস্থিত হৈছিল লোককেইজন।
মন্ত্ৰী হিমন্ত বিশ্ব শৰ্মাই উল্লেখ কৰা অনুসৰি আক্ৰান্তসকল হ’ল কৰ্কট ৰোগী মনোৰঞ্জন চাহা, প্ৰদীপ কুমাৰ বণিয়া, গোপীন্দ্ৰ চন্দ্ৰ মালাকাৰ আৰু এগৰাকী ১৩ বছৰীয়া হৃদ ৰোগী।
ৰোগীৰ লগত থকা তিনিজন ক্ৰমে বাসুদেৱ পাটোৱাৰী, নীলকণ্ঠ দেৱ আৰু মীনা ৰাণী বণিয়া।
ডঃ হিমন্ত বিশ্ব শৰ্মাই টুইটাৰ যোগে জনাইছে এই কথা।
১৩৭ জনীয়া কেন্সাৰ ৰোগীৰ দলটোতে আছিল লোককেইজন।
কালিৰ দিনটোত গুৱাহাটীত ১৫ গৰাকী লোকৰ দেহত পোৱা গৈছে এই মাৰাত্মক ভাইৰাছৰ উপস্থিতি।
অসমত এতিয়ালৈকে ৮৬ গৰাকী লোকৰ দেহত পোৱা গৈছে এই মাৰাত্মক ভাইৰাছ।
তাৰে ৪৪ জন চিকিৎসাধীন। ৩৫ জনক চিকিৎসালয়ৰ পৰা মুক্তি দিয়া হৈছে।
ইতিমধ্যে দুগৰাকী আক্ৰান্তই মৃত্যুক আঁকোৱালি লৈছে।