অসম আৰক্ষীত মুঠ ৮৬৯ ক’ভিড আক্ৰান্ত, আৰোগ্য ৪৮৪
৮৬৯গৰাকী অসম আৰক্ষীৰ লোক দেওবাৰলৈকে ক’ভিড-১৯ পজিটিভ চিনাক্ত হৈছে।
ইয়াৰে ৪৮৪গৰাকীয়ে ইতিমধ্যে ক’ভিডৰ পৰা আৰোগ্য লাভ কৰিছে।
ক’ভিড১৯ত অসম আৰক্ষীৰ হাবিলদাৰ হৰেশ্বৰ নাথে প্ৰাণ হেৰুওৱাইছে।
আৰোগ্য লাভ কৰাসকলৰ ৫০গৰাকীয়ে ইতিমধ্যে কৰ্তব্যত পুনৰ যোগ দিছে।
অসম আৰক্ষীয়ে টুইটাৰত এই তথ্য প্ৰকাশ কৰিছে।
ইফালে ৮৫৮গৰাকী নতুনকৈ ক’ভিড মুক্ত ব্যক্তিৰে সৈতে অসমত মুঠ আৰোগ্যৰ সংখ্যাই দেওবাৰে ১৬ হাজাৰৰ সীমা অতিক্ৰম কৰিছে।
As on today, a total of 869 of our personnel have tested positive for #Corona, out of which 484 have recovered. One of our colleagues made the supreme sacrifice and inspires us every day.
After fighting bravely, 50 of our #CoronaWarriors have already joined back for duty.
— Assam Police (@assampolice) July 19, 2020
অসমত এতিয়ালৈকে মুঠ ১৬,০২৩গৰাকী ব্যক্তিয়ে ক’ভিডৰ পৰা আৰোগ্য লাভ কৰিছে।
অসমত বৰ্তমান সক্ৰিয় ৰোগীৰ সংখ্যা হৈছে ৬৮৯৮গৰাকী।
আনহাতে দেওবাৰৰ দিনটোতে অসমত চাৰিগৰাকী ক’ভিড ৰোগীয়ে প্ৰাণ হেৰুৱাইছে।
ক’ভিডত মৃত্যু হোৱা লোককেইগৰাকী হ’ল কামৰূপ মহানগৰ জিলাৰ প্ৰমোদ চন্দ্ৰ শৰ্মা (৬২) আৰু বীনাপাণি দাস (৭৮), কাছাৰৰ এছ কে ৱাগলে (৪৬) আৰু তিনিচুকীয়াৰ প্ৰশান্ত শইকীয়া (৭৪)।
এইকেইগৰাকী ব্যক্তিক ধৰি অসমত ক’ভিডত মৃত্যু হোৱা লোকৰ সংখ্যা ৫৭গৰাকীলৈ বৃদ্ধি পাইছে।
অসমত এতিয়ালৈকে চিনাক্ত মুঠ ক’ভিড আক্ৰান্তৰ সংখ্যা হৈছে ২২,৯৮১গৰাকী।
ইয়াৰে তিনিগৰাকী আন ঠাইলৈ স্থানান্তৰিত হৈছে।