লকডাউনৰ সময়ত যদি আপোনাৰ চাকৰি গুচি গৈছে আৰু আপুনি যদি গৃহ ঋণ বা গাড়ীৰ ঋণৰ কিস্তি কেনেকৈ দিব তাক লৈ উদ্বিগ্ন হৈ পৰিছে, তেতিয়াহ’লে চিন্তা নকৰিব।
SBIয়ে এনে গ্ৰাহকৰ বাবেই এক সুবিধা আৰম্ভ কৰিছে। SBIয়ে ইয়াৰ খুচুৰা ঋণৰ গ্ৰাহকৰ বাবে পৰ্টেল আৰম্ভ কৰিছে।
এই পৰ্টেলত আপুনি যিকোনো ঋণৰ পুনৰ গঠন (ৰিষ্ট্ৰাকশ্যাৰিং)ৰ বাবে আবেদন কৰিব পাৰিব।
SBIয়ে জানিবলৈ দিছে যে এই পৰ্টেলৰ জৰিয়তে সেইসকলৰ সোকৰ সমস্যাসমূহ দূৰ কৰিবলৈ বিচচৰা হৈছে যিসকলৰ কৰ’না বা লকডাউনৰ ফলত চাকৰি গুচি গৈছে আৰু আগন্তুক ৬,৮,৯ বা ১২ মাহত নতুন চাকৰিত যোগ দিব পাৰে।
অৱশ্যে, বেংকটোৱে কয় যে এইটো সম্পূৰ্ণ তেওঁৰ মূল্যায়নৰ ওপৰত নিৰ্ভৰ কৰিব কিয়নো তেওঁ কেতিয়া চাকৰি পাব সেইটো তেওঁৰ হাতত আছে, বেংকৰ হাতত নাই।
SBIয়ে জানিবলৈ দিছে যে মানুহে বেংকৰ শাখালৈ নগৈ প্ৰথমে এই পৰ্টেলৰ জৰিয়তে নিজৰ যোগ্যতা পৰীক্ষা কৰি লওক।
ইয়াৰ বাবে সৰ্ব প্ৰথমে SBIৰ ৱেবছাইট www.sbi.co.in ত গৈ আবেদন কৰিব লাগিব। এই আবেদনৰ বাবে এটা অ’টিপি মোবাইলত আহিব।
আবেদন কৰাৰ পাছত আপুনি জানিব পাৰিব যে আপুনি এই ম’ৰেটৰিয়ামৰ বাবে যোগ্য হয়নে নহয়। আপুনি যদি যোগ্য হয় তেতিয়াহ’লে এটা ৰেফাৰেন্স নম্বৰ পাব আৰু সেইটো লৈ আপুনি বেংকৰ শাখালৈ যাব লাগিব।
বাকী কাগজ-পত্ৰ কামখিনি তাত সম্পূৰ্ণ কৰিব লাগিব। ৰেফাৰেন্স নম্বৰৰ ম্যাদ মাত্ৰ ৩০দিনৰ বাবেহে থাকিব। নথিপত্ৰ পৰীক্ষাৰ পাছতহে ৰিষ্ট্ৰাকশ্যাৰিঙৰ প্ৰক্ৰিয়া আৰম্ভ হ’ব।
SBIৰ এই আঁচনিৰ অধীনত আপুনি ঋণৰ কিস্তি দুবছৰলৈকে পিছুৱাব পাৰিব। কিন্তু মনত ৰাখিব লাগিব যে এই মৰেটৰিয়াম RBIৰ প্ৰথম মৰেটৰিয়ামতকৈ পৃথক।
যিসকল গ্ৰাহকে ঋণ ৰিষ্ট্ৰাকশ্যাৰিং কৰিব বিচাৰে তেওঁলোকে বাকী ঋণৰ ম্যাদ শেষ হোৱালৈকে ০.৩৫শতাংশ অতিৰিক্ত সুত আদায় দিব লাগিব। অৰ্থাৎ ঋণৰ ম্যাদটো বাঢ়িবই, লগতে সুতৰ নতুন ধৰণে হ’ব বা কিস্তিও বাঢ়ি যাব।
এই আঁচনিৰ বাবে যোগ্যতা অৰ্জন কৰিব যদিহে আপোনাৰ দৰমহা ২০২০ৰ আগষ্টত ২০২০ৰ ফেব্ৰুৱাৰিৰ তুলনাত কম হৈ আহিছে, লকডাউনত আপোনাৰ দৰমহা কৰ্তন হৈছে বা পাছত বঢ়াই দিয়া হৈছে।
সেইদৰে, আপোনাৰ সংস্থাপন গুচি গৈছে বা ব্যৱসায় বন্ধ হৈ গৈছে, যদি আপুনি নিজে ব্যৱসায় কৰে আৰু এনেকুৱা ক্ষেত্ৰত আপোনাৰ ব্যৱসায় বন্ধ হৈ গৈছে বা হ্ৰাস পাইছে তেতিয়াহ’লেও আপুনি ইয়াৰ বাবে আবেদন কৰিব পাৰিব।
এই আঁচনিৰ অধীনত গৃহ ঋণ, অটো ঋণ, শিক্ষা ঋণৰ লগতে ব্যক্তিগত ঋণো পৰিব।
সংশ্লিষ্ট গ্ৰাহকসকলে ২০২০ৰ ২৪ ডিচেম্বৰলৈকে আবেদন কৰিব পাৰিব। মৰেটিৰয়ামৰ সময়ছোৱাত আপুনি ঋণৰ কিস্তি আদায় দিব নালাগে।
