দিল্লী বিশ্ববিদ্যালয়ৰ হন্সৰাজ কলেজৰ স্নাতক কলা শাখাৰ ইংৰাজী বিষয়ৰ ছাত্ৰী বিশ্বা ফৰিদে কলা শাখাৰ সম্পৰ্কীয় ভিত্তিহিন ধৰণাৰ বিষয়ে লিংকডিনত এক ভাইৰেল পোষ্টৰ জৰিয়তে ব্যাপক চৰ্চাৰ লাভ কৰিছে। ইয়াৰ পূৰ্বে টপাৰ হোৱাৰ পিছতো ইন্টাৰশ্বিপ লাভৰ বাবে কৰা সংগ্ৰামৰ বিষয়ে তেওঁৰ স্পষ্টবাদী পোষ্টৰ বাবে সংবাদৰ শিৰোনাম দখল কৰা ফৰিদে এতিয়া কলা শাখাক “শেষৰ উপায়” বুলি গণ্য কৰা সমাজৰ পক্ষপাতৰ বিৰুদ্ধে তীব্ৰ প্ৰতিক্ৰিয়া প্ৰকাশ কৰিছে। তেওঁৰ প্ৰথম পোষ্টত তেওঁ উল্লেখ কৰিছিল যে উৎকৃষ্ট গ্ৰেড থকাৰ পিছতো তেওঁ ইন্টাৰশ্বিপ পাবলৈ সক্ষম হোৱা নাছিল, আৰু এই অভিজ্ঞতাই তেওঁক উপলব্ধি কৰাইছিল যে “মাৰ্কতকৈ দক্ষতা বেছি গুৰুত্বপূৰ্ণ।” চিবিএছইৰ দ্বাদশ শ্ৰেণীৰ ফলাফল ঘোষণাৰ দিনা শ্বেয়াৰ কৰা তেওঁৰ শেহতীয়া পোষ্টটোৱে একেধৰণৰ পক্ষপাতৰ সন্মুখীন হোৱা ছাত্ৰ-ছাত্ৰীৰ মাজত তীব্ৰ অনুৰণন ঘটাইছে।
তেওঁৰ ভাইৰেল পোষ্টত ফৰিদে তেওঁৰ প্ৰাৰম্ভিক ইন্টাৰশ্বিপ সংগ্ৰামৰ প্ৰতি লাভ কৰা সঁহাৰিৰ কথা স্মৰণ কৰি প্ৰেৰণাদায়ক বাৰ্তা”ৰ লগতে কেইবাটাও প্ৰশ্ন উত্থাপন কৰিছেচ- টপাৰ হৈ কলা শাখা কিয় ল’লে? আৰু “বি.এ. পঢ়ালোকক কোনে চাকৰি দিয়ে ইত্যদি ! তেওঁ কেৱল বিজ্ঞান বা বি.টেক ডিগ্ৰীক মূল্যৱান বুলি ধৰি মত প্ৰচাৰ কৰাসকলক ব্যঙ্গাত্মকভাৱে ধন্যবাদ জনায়, প্ৰশ্ন উত্থাপন কৰে যে যদি কলা শাখাৰ কোনো মূল্য নাই তেন্তে এই পাঠ্যক্ৰমসমূহ কিয় শিক্ষা ব্যৱস্থাত আছে। “যদি কলাৰ কোনো মূল্য নাই, তেন্তে শিক্ষা ব্যৱস্থাই এইবোৰ কিয় আগবঢ়ায়? আমাক মূৰ্খ কৰিবলৈ নে কাৰোবাক উপহাসৰ পাত্ৰ কৰিবলৈ? বুলি উল্লেখ কৰিছে।
ফৰিদৰ তীক্ষ্ণ সমালোচনাই কলা শাখাৰ ছাত্ৰ-ছাত্ৰীৰ প্ৰতি ব্যৱস্থাগত অৱজ্ঞাক উন্মোচন কৰিছে। ফৰিদে কলা শাখাক শেষৰ উপায় নহয়, বৰঞ্চ ইচ্ছাকৃত পছন্দ যি সমালোচনাত্মক চিন্তাধাৰা, সহানুভূতি আৰু সমস্যা সমাধানৰ দক্ষতা গঢ়ি তোলাত ইয়াৰ ভূমিকাক গুৰুত্ব প্ৰদন কৰে—যিবোৰ দক্ষতা বিভিন্ন উদ্যোগত মূল্যৱান। তেওঁ সমালোচকসকলক সোঁৱৰাই দিয়ে যে সকলোৱে ক’ডিং বা বিজ্ঞানৰ প্ৰতি আগ্ৰহী নহয়, আৰু সৃষ্টিশীলতা প্ৰায়ে কলা শাখাৰ বিষয়ৰ পৰাই উদ্ভৱ হয়, যিয়ে উদ্ভাৱন আৰু বৈচিত্ৰ্যপূৰ্ণ দৃষ্টিভংগীক প্ৰেৰণা দিয়ে। সহযোগী কলা ছাত্ৰ-ছাত্ৰীসকলক উৎসাহিত কৰি তেওঁ লিখিছে, “আপোনাৰ শাখা বৈধ, আপোনাৰ অৱদান গুৰুত্বপূৰ্ণ। কাকো আপোনাৰ মূল্য কমাবলৈ নিদিব।” তেওঁৰ পোষ্টৰ সমাপ্তিত তেওঁ সমাজক বৈচিত্ৰ্যপূৰ্ণ দক্ষতাক উদযাপন কৰাৰ আহ্বান জনায়। কলা আৰু বিজ্ঞানৰ ছাত্ৰ-ছাত্ৰীৰ পৰা লাভ কৰা ব্যাপক সমৰ্থনমূলক মন্তব্যই পুৰণি কু-সংস্কাৰ ভাঙি প্ৰতিটো শৈক্ষিক পথৰ অনন্য মূল্যক স্বীকৃতি দিয়াৰ প্ৰয়োজনীয়তাক উজ্জ্বল কৰি তুলিছে।
