Man arrested for hiding religious identity হোজাইত এজন ৩৫ বছৰীয়া মুছলমান যুৱকক হিন্দু পৰিচয় লৈ এগৰাকী হিন্দু যুৱতীক বিয়া কৰোৱাৰ অভিযোগত গ্ৰেপ্তাৰ কৰা হৈছে।
যুৱতীগৰাকীয়ে দাখিল কৰা অভিযোগৰ ভিত্তিত হোজাই আৰক্ষীয়ে যুৱকজনক গ্ৰেপ্তাৰ কৰে।
এগাৰাকী আৰক্ষী বিষয়াই জানিবলৈ দিয়া মতে মহিলাগৰাকীয়ে হোজাইৰ জিলা আইন সেৱা কৰ্তৃপক্ষৰ সহযোগত হোজাইৰ আৰক্ষী অধীক্ষকৰ ওচৰত তেওঁৰ স্বামীৰ বিৰুদ্ধে এক লিখিত অভিযোগ দাখিল কৰিছিল।
ধেমাজি জিলাৰ বাসিন্দা যুৱতীগৰাকীয়ে তেওঁৰ অভিযোগত উল্লেখ কৰে যে তেওঁলোক দুয়োজনৰ তামিলনাডুত কৰ্মসূত্ৰে থকাৰ সময়ত সম্পৰ্ক ঘটিছিল।
তেওঁ অভিযোগ কৰে যে হোজাই জিলাৰ লামডিং আৰক্ষী থানাৰ অন্তৰ্গত নখুটিৰ ২নং ছাৰকে বস্তিৰ যুৱকজনে তেওঁৰ ধৰ্মীয় পৰিচয় গোপন কৰি নিজকে হিন্দু বুলি পৰিচয় দি তেওঁক বিয়া কৰাইছিল।
যুৱতীগৰাকীয়ে অভিযোগ কৰে যে বিয়াৰ পাছত যুৱকজনে তেওঁক মানসিক তথা শাৰীৰিকভাৱে নিৰ্যাতন কৰিবলৈ আৰম্ভ কৰিছিল।
কেইমাহমান পাছত তেওঁৰ স্বামীয়ে তেওঁৰ পৰা এক বৃহৎ পৰিমানৰ ধন লুট কৰি তামিলনাডুৰ পৰা নখুটিলৈ পলাই আহে।
তেওঁৰ স্বামীয়ে তেওঁক যোগাযোগ নকৰাত যুৱতীগৰাকীয়ে ডবকা অঞ্চললৈ আহে য’ত তেওঁ তেওঁৰ স্বামীৰ ধৰ্মীয় পৰিচয়ৰ বিষয়ে তথা আন বিতং তথ্য জানিব পাৰে।
হোজাইৰ আৰক্ষী অধীক্ষক বৰুণ পুৰকায়স্থই অভিযোগৰ ভিত্তিত লামডিং আৰক্ষী থানাৰ পৰা এটা আৰক্ষীৰ দল পঠিয়াই বুধবাৰে নিশা তেওঁৰ গাওঁখনৰ পৰা যুৱকজনক গ্ৰেপ্তাৰ কৰে।
লামডিং আৰক্ষীয়ে প্ৰৱঞ্চক যুৱকজনক ভাৰতীয় দণ্ডবিধিৰ সংশ্লিষ্ট ধাৰাসমূহত গ্ৰেপ্তাৰ কৰিছে।
