বিস্ফোৰিত হ’ল বিজেপি নেতাৰ ঘৰত মজুত কৰি ৰখা বোমা! কেইবাজনো আহত
শনিবাৰে পুৱা এগৰাকী বিজেপি নেতাৰ বাসগৃহত সংঘটিত হয় এক ভয়ানক বিস্ফোৰণ। পশ্চিমবংগৰ হাছানাবাদত সংঘটিত হৈছে এই ঘটনা।
জানিব পৰা মতে এই বিস্ফোৰণত কেইবাজনো লোক আহত হয়। অৱশ্যে এই বিস্ফোৰণ কোনে ঘটালে আৰু কেনেকৈ ঘটালে সেই বিষয়ে জানিব পৰা হোৱা নাই । আৰক্ষীয়ে তদন্ত অব্যাহত ৰাখিছে।
খবৰ অনুসৰি শনিবাৰে পুৱা হাছানাবাদৰ স্থানীয় বিজেপি নেতা নিমাই দাসৰ ঘৰত বিস্ফোৰণ সংঘটিত হয়। প্ৰথমতে স্থানীয় ৰাইজে বোমা বিস্ফোৰণ হোৱা বুলি ভাবিছিল।
অৱশ্যে স্থানীয় বিজেপিৰ এটা অংশই চিলিণ্ডাৰ ফাটি যোৱাৰ বাবেই বিস্ফোৰণ সংঘটিত হোৱা বুলি দাবী কৰে।
ইফালে এই ঘটনাৰ পিছত তৃণমূল নেতা কুনাল ঘোষে হেণ্ডেলত লিখিছে, ‘হাছনাবাদ পঞ্চায়তত বিজেপি নেতা নিমাই দাসৰ ভাতৃৰ ঘৰত মজুত কৰ ৰখা বোমা বিস্ফোৰণত আহত হৈছে ঘৰৰ বাসিন্দা। স্থানীয় ৰাইজৰ অভিযোগ যে তীব্ৰ গৰমৰ বাবে মজুত হৈ থকা বোমা বিস্ফোৰণ ঘটে। আৰক্ষীয়ে তদন্ত কৰি সঁচা তথ্য বিচাৰি উলিয়াওক।”
বসিরহাটের অন্তর্ভুক্ত হিঙ্গলগঞ্জের হাসনাবাদ পঞ্চায়েতে বিজেপির নেতা নিমাই দাসের ভাইয়ের বাড়িতে মজুত রাখা বোমার বিস্ফোরণে গুরুতর আহত বাড়ির বাসিন্দারা। স্থানীয় মানুষের অভিযোগ এই প্রবল গরমে মজুত করে রাখা অত বোমায় বিস্ফোরণের ফলেই এই মর্মান্তিক ঘটনা। পুলিস সত্যাসত্য দেখুক।
— Kunal Ghosh (@KunalGhoshAgain) April 27, 2024
উল্লেখ্য যে শুকুৰবাৰে এগৰাকী তৃণমূল নেতাৰ ঘৰৰ পৰা একাধিক আগ্নেয়াস্ত্ৰসহ বিশাল বিস্ফোৰক উদ্ধাৰ কৰিছিল চিবিআইয়ে। ইয়াৰ পিছদিনা বিজেপি নেতাৰ ঘৰত সংঘটিত হোৱা বিস্ফোৰণে ৰাজনৈতিক বাতাবৰণ উষ্ণ কৰি তুলিছে।