ত্ৰিপুৰাত একেৰাহে দুদিনত দুটাকৈ পৃথক দলবদ্ধ ধৰ্ষণৰ ঘটনা সংঘটিত হৈছে। অভিযোগ অনুসৰি স্কুলৰ পৰা উভতি অহাৰ পথত এগৰাকী পঞ্চম শ্ৰেণীৰ ছাত্ৰীক অপহৰণ কৰি ধৰ্ষণ কৰা হয়। শনিবাৰে সন্ধিয়া তেওঁক ঘৰৰ সন্মুখত পেলাই থৈ যোৱা হয়। ঘটনাৰ তদন্ত আৰম্ভ কৰিছে আৰক্ষীয়ে। অৱশ্যে এই পৰ্যন্ত কোনো লোকক গ্ৰেপ্তাৰ কৰা হোৱা নাই।
ইয়াৰ পূৰ্বে শুকুৰবাৰেও উত্তৰ ত্ৰিপুৰাৰ পৰা এগৰাকী নাবালিকাক দলবদ্ধ ধৰ্ষণৰ অভিযোগ পোহৰলৈ আহিছিল। এইবাৰ এই ঘটনা দক্ষিণ ত্ৰিপুৰাত।
দক্ষিণ ত্ৰিপুৰাৰ বেলনিয়া মহিলা আৰক্ষী থানা এলেকাত শনিবাৰে এগৰাকী ছাত্ৰী নিৰুদ্দেশ হোৱাৰ অভিযোগ দাখিল কৰা হয়। ছোৱালীজনীৰ পিতৃয়ে থানাত জনোৱা মতে, ছোৱালীজনী স্কুলৰ পৰা ঘৰলৈ উভতি নাহিল। ছোৱালীজনীক অপহৰণ কৰা বুলি সন্দেহ কৰিছে।
লগতে পঢ়কঃ পুনৰ ড’নাল্ড ট্ৰাম্পক লক্ষ্য কৰি চলিল গুলী! কথমপি ৰক্ষা, এজনক গ্ৰেপ্তাৰ
অভিযোগ লাভ কৰাৰ পিছতে আৰক্ষীয়ে তদন্ত আৰম্ভ কৰে। শনিবাৰে সন্ধিয়া ঘৰৰ সন্মুখত উদ্ধাৰ কৰে ছাত্ৰীগৰাকীক। অভিযোগ অনুসৰি, স্কুলৰ পৰা উভতি অহাৰ পথত তাইক উঠাই লৈ যায় একাংশ দুস্কৃতিকাৰীয়ে। কেইবাটাও স্থানলৈ লৈ গৈ ধৰ্ষণ কৰে। ইয়াৰ লগত কেইবাজনো লোক জড়িত আছিল।
এই ঘটনাত নিশায়ে আৰক্ষীয়ে এফআইআৰ দাখিল কৰে। অৱশ্যে এই পৰ্যন্ত কোনো লোকক গ্ৰেপ্তাৰ কৰা হোৱা নাই। আৰক্ষীৰ সূত্ৰ অনুসৰি মূল অভিযুক্ত এজন ২২ বছৰীয়া যুৱক। সি সেই অঞ্চলৰ বাসিন্দা। শনিবাৰে সন্ধিয়া সি ছোৱালীজনীক ঘৰৰ সন্মুখত এৰি থৈ যায়। ভাৰতীয় দণ্ডবিধিৰ কেইবাটাও ধাৰাত অভিযুক্তৰ বিৰুদ্ধে গোচৰ ৰুজু কৰা হৈছে। POCSO আইনৰ অধীনতো গোচৰ ৰুজু কৰা হৈছে।
লগতে পঢ়কঃ মাত্ৰ সাত দিনতে কমিব ২ৰ পৰা ৩ কেজি ওজন; গৰমত চৰ্বি কমাবলৈ পালন কৰক এই টিপছ
শুকুৰবাৰে উত্তৰ ত্ৰিপুৰাত এগৰাকী নাবালিকাক দলবদ্ধ ধৰ্ষণৰ অভিযোগ উঠিছিল। অভিযোগ অনুসৰি দোকানৰ পৰা ঘৰলৈ অহাৰ পথত তাইক অপহৰণ কৰি ওচৰৰ হাবিলৈ লৈ যোৱা হৈছিল। তাত দুজন লোকে তাইক ধৰ্ষণ কৰে। আৰক্ষীয়ে অভিযুক্তক গ্ৰেপ্তাৰ কৰিছে।
