এবাৰ ৰাজহুৱা সভাত ভাষণ দি থকাৰ সময়ত তেওঁৰ ওপৰত আক্ৰমণ চলোৱা হৈছিল। কাণ স্পৰ্শ কৰি পাৰ হৈ গৈছিল গুলী। এইবাৰ আকৌ এবাৰ আমেৰিকাৰ প্ৰাক্তন ৰাষ্ট্ৰপতি ড’নাল্ড ট্ৰাম্পক লক্ষ্য কৰি গুলীচালনাৰ ঘটনা সংঘটিত হৈছে। কিন্তু এইবাৰ ৰাজহুৱা সভাত নহয়, ফ্ল’ৰিডাৰ এখন গ’ল্ফ কোৰ্চতহে। আৰক্ষীৰ সূত্ৰ অনুসৰি এই ঘটনাত এজন লোকক গ্ৰেপ্তাৰ কৰা হৈছে।
ৰাষ্ট্ৰপতি নিৰ্বাচনৰ পূৰ্বে প্ৰচাৰত এতিয়া ব্যস্ত প্ৰাক্তন ৰাষ্ট্ৰপতি ড’নাল্ড ট্ৰাম্প। মাজতে তেওঁ গলফ কোৰ্চত ব্যক্তিগত সময় কটাইছিল। সূত্ৰ অনুসৰি তাতেই গুলীৰ শব্দ শুনা যায়। লগে লগে ট্ৰাম্পৰ নিৰাপত্তাৰক্ষীয়ে তেওঁক ‘ছেফ জ’ন’লৈ লৈ যায়। তেওঁ নিৰাপদ বুলি কোৱা হৈছে। আনহাতে, গলফ কোৰ্চৰ ভিতৰত থকা এটা জোপোহাৰ পৰা এ কে ৪৭ ৰাইফল উদ্ধাৰ হোৱা বুলি জানিব পৰা গৈছে।
ধৃত ব্যক্তিজনেই এই ঘটনাৰ সৈতে জড়িত আছিল নে আন কোনো লোক জড়িত আছিল সেয়া নিশ্চিত কৰিব পৰা নাই আৰক্ষীয়ে। কিন্তু ড’নাল্ড ট্ৰাম্পক হত্যা কৰিবলৈকে যে গুলী চলোৱা হৈছে সেয়া তেওঁলোকে স্পষ্টকৈ ধৰিব পাৰিছে। এফ বি আইয়ে জনোৱা মতে, গুলী চলোৱা ঠাইৰ পৰা ৫০০ মিটাৰৰ ভিতৰত আছিল ট্ৰাম্প। কমেও চাৰিবাৰ গুলী চলোৱা হৈছিল বুলি দাবী কৰা হৈছে।
লগতে পঢ়কঃ মাত্ৰ সাত দিনতে কমিব ২ৰ পৰা ৩ কেজি ওজন; গৰমত চৰ্বি কমাবলৈ পালন কৰক এই টিপছ
ইফালে ট্ৰাম্পৰ পুত্ৰই ছ’চিয়েল মিডিয়াত দাবী কৰে যে ট্ৰাম্প গ’ল্ফ কোৰ্চত থকা অঞ্চলৰ অতি ওচৰৰ জোপোহাৰ পৰা বন্দুকটো উদ্ধাৰ কৰা হৈছে। কিয় গুলীচালনা কৰা হৈছিল সেয়া স্পষ্ট হৈ পৰিছে।
ইতিমধ্যে আৰক্ষীয়ে গ্ৰেপ্তাৰ কৰা সন্দেহযুক্ত লোকজন হৈছে ৰিয়ান ৱেছলী ৰাউথ। বন্দুকটোৰ বাহিৰেও তেওঁৰ পৰা উদ্ধাৰ কৰা হৈছে ‘গো-প্ৰো’ কেমেৰা। আৰক্ষীৰ সূত্ৰ অনুসৰি ৰাউথে শ্ৰমিক হিচাপে কাম কৰে যদিও তেওঁ সেনাবাহিনীত যোগদান কৰিব বিচাৰিছিল। তেওঁ ৰাছিয়া-ইউক্ৰেইন যুদ্ধতো অংশগ্ৰহণ কৰিব বিচাৰিছিল। কেৱল সেয়াই নহয়, যুদ্ধৰ পৰিস্থিতিৰ বিষয়ে ছ’চিয়েল মিডিয়াত তেওঁৰ একাধিক পোষ্ট আছে।
Again folks!
SHOTS FIRED at Trump Golf Course in West Palm Beach, Florida.
An AK-47 was discovered in the bushes, per local law enforcement. The Trump campaign has released a statement confirming former President Trump is safe.
A suspect has reportedly been apprehended. pic.twitter.com/FwRfrO3v6y
— Donald Trump Jr. (@DonaldJTrumpJr) September 15, 2024
অৱশ্যে এইবাৰেই প্ৰথমবাৰৰ বাবে গ্ৰেপ্তাৰ হোৱা নাই ৰাউথ। ইয়াৰ পূৰ্বে ২০০২ চনত অটোমেটিক বন্দুকসহ তেওঁ ধৰা পৰিছিল। অৱশ্যে কেতিয়া কেনেকৈ মুকলি কৰি দিয়া হৈছিল সেয়া স্পষ্ট হোৱা নাই।
