উত্তৰ প্ৰদেশৰ কনৌজত মেথি বুলি ভঙৰ তৰকাৰী খায় এটা পৰিয়ালৰ আটাইকেইগৰাকী লোক অসুস্থ হৈ চিকিৎসাধীন হ’বলগীয়া হৈছে।
জানিব পৰা মতে, উত্তৰপ্ৰদেশৰ কনৌজৰ নৱ কিশোৰ নামৰ এগৰাকী লোকে গাঁৱৰে নিতিশ নামৰ অন্য এগৰাকী লোকক ভাঙৰ এটা পেকেট দিয়ে আৰু তেওঁ সেই পেকেটটো মেথিৰ বুলি দাবী কৰে।
নিতিশে পেকেট লৈ গৈ ঘৰত ভগ্নীৰ হাতত দিয়ে আৰু তৰকাৰী বনাবলৈ কয়।
তৰকাৰী হোৱাৰ পাছত নিতিশৰ পৰিয়ালৰ ছয় গৰাকী লোকে ৰুটিৰ লগত সেয়া পৰিবেশন কৰে আৰু কিছু সময় পাছতে অসুস্থ হৈ পৰে।
পৰৱৰ্তী সময়ত অসুস্থ হৈ পৰা পৰিয়ালটোৱে ওচৰ চুবুৰীয়াক চিকিৎসকক যোগাযোগ কৰিবলৈ কয় আৰু ওচৰ চুবুৰীয়া লোক সকলে চিকিৎসকৰ সৈতে মিলি পৰিয়ালটোৰ আটাইকেইগৰাকী সদস্যকে চিকিৎসালয়ত ভৰ্তি কৰোৱায়।
আনহাতে, ঘটনা সম্বন্ধে জানিব পৰা যেতিয়া ঘটনাস্থলীত স্থানীয় আৰক্ষীৰ দল উপস্থিত হয় তেতিয়া পৰিয়ালটোৱে মেথি বুলি তৰকাৰী হিচাপে ৰন্ধা পেকেটটো মেথি নহয় ভাং বুলিহে প্ৰমাণ হয়।
আলুৰ সৈতে অত্যাধিক পৰিমাণত ভাং মিহলি কৰি বনোৱা তৰকাৰী খায়ে পৰিয়ালটোৱে অসুস্থ হৈ পৰিবলগীয়া হৈছে বুলি আৰক্ষীয়ে জানিবলৈ দিয়ে।
