ৰাজ্যৰ বিভিন্ন প্ৰান্তৰৰ লগতে বোকাখাত মহকুমাতো মহকুমা প্ৰশাসন আৰু মহকুমা স্বাস্থ্য বিভাগৰ উদ্যোগত সামুহিক প্ৰতিষেধক প্ৰদানৰ কাৰ্যসূচী ৰূপায়ন কৰা হয় ৷
মেগা টিকাকৰণ অভিযান বুলি নামাকৰণ কৰা এই কাৰ্যসুচীৰে এই মেগা প্ৰতিষেধক প্ৰদান কাৰ্য্যসূচীৰ অধীনত বোকাখাত প্ৰাথমিক স্বাস্থ্য কেন্দ্রৰ উপৰিও মহকুমাটোৰ সকলো ক্ষুদ্ৰ প্ৰাথমিক স্বাস্থ্য কেন্দ্র, কহঁৰা আদৰ্শ চিকিৎসালয় আৰু বোকাখাত মহকুমাৰ সকলো চাহবাগিচাৰ স্বাস্থ্য কেন্দ্রকলৈ মুঠ ১৯ টা কেন্দ্ৰত ক’ভিড ৰ প্ৰতিষেধক প্ৰদান কৰা হয়।
শুকুৰবাৰে পুৱাৰে পৰা চলা এই কাৰ্যসুচীৰ দুটা কেন্দ্ৰ স্বাস্থ্য মন্ত্ৰী কেশৱ মহন্তই পৰিদৰ্শন কৰে।
মন্ত্ৰী গৰাকীয়ে বোকাখাত উচ্চতৰ মাধ্যমিক বিদ্যালয় আৰু বোকাখাত চাহ বাগিছাত স্থাপন কৰা প্ৰতিষেধক প্ৰদান কেন্দ্ৰ পৰিদৰ্শন কৰি মহকুমা প্ৰশাসন আৰু চিকিৎসা বিভাগৰ ব্যৱস্থাপনাত সন্তুষ্টি প্ৰকাশ প্ৰকাশ কৰে।
পৰিদৰ্শনকালত স্বাস্থ্যমন্ত্ৰীগৰাকীৰ লগত বোকাখাতৰ মহকুমাধিপতি ডাঃ নেহা যাদৱ, মহকুমা আৰক্ষী বিষয়া অনিতা হাজৰিকাৰ লগতে স্বাস্থ্য বিষয়া সকল উপস্থিত থাকে ৷
শুকুৰবাৰে এই মেগা টিকাকৰণ বা প্ৰতিষেধক প্ৰদান অভিযানত বোকাখাত মহকুমাত মুঠ ২০৩০ পালি ক’ভিড প্ৰতিষেধক প্ৰদান কৰা হয়। ইয়াৰে ৪৩৬প্ৰথম পালি আৰু ১৫৯৪ দ্বিতীয় পালি।
