পতাকা
এখন পতাকা উৰুৱাই দিয়া হ’ল,
কোৱা হ’ল, এইখন মুক্তিৰ পতাকা
সকলোৰে বাবে।
পতাকাখন উৰি থাকিল উৱলি নোযোৱালৈ ৷
আন এখন পতাকা উৰুৱাই দিয়া হ’ল
কোৱা হ’ল, এইখন মানৱতাৰ কাৰণে ৷
পতাকাখন ওলোটাকৈ উৰি থাকিল,
কোনেও মন নকৰিলে ৷
তৃতীয় পতাকাখন উৰিল আটাইতকৈ ওখকৈ
সকলোৰে সুখ-সমৃদ্ধিৰ কাৰণে ৷
পতাকাখন এতিয়া নল’ৰে,
বহুত ভাষণেৰে পতাকাখন গধুৰ ৷
তলৰ আন্ধাৰত ৰৈ থকা মানুহবোৰে
ৰ’ লাগি চাই আছে সুদর্শন পতাকা
তেওঁলোকৰ চিঙা চোলাবোৰ
আৰু বেছি উৱলাৰ পিছত
তেওঁলোকে সুখৰ দিনলৈ ৰৈ আছে ৷
পতাকা উৰুৱাই ভোজ-ভাত খাই থকাসকলৰ
খিকিন্দালি
তেওলোকে শুনা নাই ৷
—————-
