অসমৰ বিনিয়োগকাৰীসকলৰ মাজত সজাগতা আৰু সুৰক্ষা দৃঢ়কৰণৰ বাবে গুৱাহাটীত-মেগা ৰিচা  

বিনিয়োগকাৰীসকলৰ সজাগতা বৃদ্ধি আৰু বিনিয়োগ সুৰক্ষা নিশ্চিত কৰাৰ লক্ষ্যৰে NSE আৰু NSDL-এ SEBI-ৰ তত্ত্বাৱধানত আৰু অন্যান্য বজাৰ গঠনমূলক প্ৰতিষ্ঠান (MIIs)’ৰ সহযোগত গুৱাহাটী মেডিকেল কলেজৰ সভাকক্ষত মেগা ৰিচা (Regional Investor Seminar for Awareness) আয়োজন কৰে।

“বিক্সিত ভাৰতৰ বিক্সিত নিবেশক” শীৰ্ষক এই অনুষ্ঠানত শ্বেয়াৰ বজাৰ, বিনিয়োগ ক্ষেত্ৰৰ বিপদসমূহ, বিনিয়োগকাৰীৰ অধিকাৰ আৰু দায়িত্ব, লগতে সঠিক বিনিয়োগ প্ৰক্ৰিয়া সম্পৰ্কে সজাগতা সৃষ্টি কৰা হয়।

অনুষ্ঠানত অসম চৰকাৰৰ উচ্চ শিক্ষা বিভাগৰ সচিব নাৰায়ণ কোঁৱৰ আদৰণীয় অতিথি হিচাপে আৰু SEBI ৰ জেনেৰেল মেনেজাৰ আৰাধনা বর্মা মুখ্য অতিথি ৰূপে অনুষ্ঠানটোত উপস্থিতি থাকে।

অসমৰ বিনিয়োগ ক্ষেত্ৰ যথেষ্ট গতিশীল হৈ উঠিছে, য’ত ২৪.৬ লাখতকৈ অধিক নিবন্ধিত বিনিয়োগকাৰী আছে। অসমত ২৯.৮% মহিলা বিনিয়োগকাৰী, যি দেশৰ ভিতৰত ৫তম স্থান লাভ কৰিছে। ২০১৯ চনত ০.৭% থকাৰে ২০২৪ চনত এই বৃদ্ধিৰ হাৰ ২.৩% লৈ বৃদ্ধি পাইছে। এই ধৰণৰ উন্নতি অব্যাহত ৰাখিবলৈ সুশিক্ষা, বিশ্বাস, স্বচ্ছতা, আৰু সুৰক্ষা নিশ্চিত কৰাৰ ওপৰত গুৰুত্ব আৰোপ কৰা হৈছে।

মেগা ৰিচা-ই বিনিয়োগকাৰীৰ অধিকাৰ, দায়িত্ব, উদীয়মান বজাৰ প্ৰৱণতা সম্পৰ্কে গুৰুত্বপূৰ্ণ আলোচনা অনুষ্ঠিত কৰে। লগতে ডিজিটেল যুগত বিনিয়োগ বিপদ, বিত্তীয় সজাগতা, আৰু সঠিক বিনিয়োগ প্ৰক্ৰিয়া সন্দৰ্ভত সূক্ষ্ম বিষয়সমূহতো আলোকপাত কৰে।

অনুষ্ঠানত “শ্বেয়াৰ বজাৰৰ ভৱিষ্যৎ – প্ৰৱণতা, দুৰ্বলতা, আৰু সম্ভাৱনা” আৰু “ডিমেট একাউন্টৰ গভীৰ অধ্যয়ন” শীৰ্ষক পেনেল আলোচনা হয়। SEBI আৰু বিত্তীয় প্ৰতিষ্ঠানৰ বিশেষজ্ঞসকলে বজাৰ উন্নয়নৰ ধাৰা, ডিমেট একাউন্ট সম্পৰ্কীয় সমস্যা, চাইবাৰ বিপদ, আৰু নিয়ন্ত্ৰণবিহীন বিনিয়োগ ৰিস্ক সম্পৰ্কে আলোচনা কৰে। পঞ্জী স্কীম, অনুমোদনবিহীন উপদেষ্টা, ডিজিটেল কেলেংকাৰী পৰিচয়ৰ চিহ্নিতকৰণ, আৰু সুৰক্ষিত বিনিয়োগ পদ্ধতি সম্পৰ্কে বিনিয়োগকাৰীসকলক সজাগ কৰা হয়। লগতে বিত্তীয় কুইজ আৰু পথ নাটিকা (নুক্কাড নাটক)-ৰ যোগেদি বিনিয়োগ শিক্ষাক উৎসাহজনক আৰু সহজলভ্য কৰাৰ চেষ্টা কৰা হয়।

এই আলোচনাসমূহ, তথ্যভিত্তিক বিশ্লেষণ, আৰু বিশেষজ্ঞ পৰামৰ্শৰে সমৃদ্ধ অনুষ্ঠানটোৱে বিনিয়োগকাৰী, বিত্তীয় বিশেষজ্ঞ, চিকিৎসক, শিক্ষাৰ্থী আৰু অন্যান্য বিত্তীয় পেচাদাৰীসকলৰ বৃহৎ অংশগ্রহণ লাভ কৰে। অসমত শ্বেয়াৰ বজাৰ তথা বিনিয়োগৰ প্ৰতি বৃদ্ধি পোৱা উৎসাহ প্ৰতিফলিত কৰি সচেতন বিনিয়োগ আৰু তথ্যভিত্তিক বিত্তীয় সিদ্ধান্ত ল’বলৈ সহায় কৰে।

ভাৰতীয় ৰাষ্ট্ৰীয় শ্বেয়াৰ বজাৰ (NSE) সম্পৰ্কে

ভাৰতীয় ৰাষ্ট্ৰীয় শ্বেয়াৰ বজাৰ (NSE) আছিল ভাৰতৰ প্ৰথম বৈদ্যুতিন আৰু স্ক্ৰিন-ভিত্তিক বাণিজ্য ব্যৱস্থা স্থাপন কৰা এক্সচেঞ্জ। ১৯৯৪ চনত কার্যক্ষম হোৱা NSE হৈছে ১৯৯৫ চনৰ পৰা প্ৰতিবছৰে SEBI-ৰ তথ্য অনুসৰি ভাৰতৰ সৰ্ববৃহৎ শ্বেয়াৰ এক্সচেঞ্জ। NSE-ৰ একীভূত ব্যৱসায়িক মডেলত অন্তৰ্ভুক্ত এক্সচেঞ্জ তালিকা, বাণিজ্য সেৱা, ক্লিয়াৰিং আৰু নিষ্পত্তি সেৱা, সূচক, বজাৰ তথ্য সঁজুলি, প্ৰযুক্তি সমাধান, আৰু বিত্তীয় শিক্ষা প্ৰদান।

NSE ব্যৱসায়ী, ক্লিয়াৰিং সদস্য আৰু তালিকাভুক্ত কোম্পানীসমূহৰ SEBI আৰু এক্সচেঞ্জ নিয়মৰ অনুসৰণ পৰ্যবেক্ষণ কৰে। প্ৰযুক্তিৰ ক্ষেত্ৰত অগ্ৰণী হৈ নতুন উদ্ভাৱন আৰু প্ৰযুক্তিগত বিনিয়োগৰ মাধ্যমেৰে বজাৰ বিশ্বাসযোগ্যতা আৰু কাৰ্যক্ষমতা উন্নত কৰি আহিছে।

Futures Industry Association (FIA)-ৰ ২০২৩ চনৰ তথ্য অনুসৰি NSE হৈছে বিশ্বৰ সৰ্ববৃহৎ ডেৰিভেটিভ এক্সচেঞ্জ। World Federation of Exchanges (WFE)-ৰ ২০২৩ চনৰ তথ্য মতে ইকুইটি বিভাগত NSE বিশ্বৰ ভিতৰত ৩য় স্থানত আছে।