বৰ্তমান যুৱতীসকল অতি ফেশ্বন সচেতন। কোনো কথাতে পিছুৱাই থাকিব নিবিচাৰে। সেয়ে বহুতেই কৃত্ৰিম উপায়েৰে নিজৰ নখ সুন্দৰ কৰি তুলিছে। আৰু সেই জেল নেইল এক্সটেনচন কৰিবলৈ গৈয়েই যুৱতীয়ে মাতি আনিলে বিপদ। এলাৰ্জীৰ বাবে তেওঁ হাত লৰচৰ কৰাৰ ক্ষমতাও হেৰুৱাই পেলালে।
ছয়ত্ৰিশ বছৰীয়া লিজা ডিউইয়ে ধুনীয়াকৈ নখ ৰাখি ভাল পায়। সেয়ে তেওঁ কৃত্ৰিম উপায়েৰে নখবোৰ একাধিকবাৰ অধিক ধুনীয়া কৰি তুলিছিল। প্ৰথমবাৰ জেল নেইল এক্সটেনচন কৰোতে কোনো সমস্যা নাছিল।
লগতে পঢ়ক: Karnataka Election result 2023: কৰ্ণাটকত ‘মুমকিন’ নহ’ল মোডী তন্ত্ৰ! নতুন মন্ত্ৰেৰে বাজীমাৎ ৰাহুলৰ
কিন্তু কৃত্ৰিম নখবোৰ আঁতৰোৱাৰ পিছত তেওঁ দেখিলে যে ঠাইখিনি বৰকৈ জ্বলি পুৰি আছে। লিজাই লগে লগে ডাক্তৰৰ ওচৰলৈ গ’ল। ডাক্তৰে নখ পৰীক্ষা কৰি বুজিব পাৰে যে নখত বেক্টেৰিয়াৰ সংক্ৰমণ হৈছে। ষ্টেৰইড আৰু এন্টিবায়টিকৰ সহায়ত সুস্থ হৈ উঠে মহিলাগৰাকী।
কিন্তু তাৰপিছতো যুৱতীগৰাকীয়ে জেল নেইল এক্সটেনচন কৰিবলৈ কুণ্ঠাবোধ নকৰিলে। আকৌ নেইল পাৰ্লাৰলৈ গ’ল। কৃত্ৰিমভাৱে নখ গজালে। ইয়াৰ পৰিণাম হৈ পৰিল ভয়াৱহ। আকৌ যুৱতীগৰাকীৰ আঙুলিত তীব্ৰ বিষ অনুভৱ হ’ল। হাতৰ শক্তিও অলপ সময়ৰ ভিতৰতে হেৰুৱাই পেলালে। তেওঁৰ নখৰ অৱস্থাও বৰ বেয়া।
লগতে পঢ়ক:জীৱনত যদি বাৰে বাৰে প্ৰতাৰিত হৈছে তেন্তে চাণক্যৰ এই কথাবোৰ মনত ৰাখিব
লিজাই জানিবলৈ দিয়ে যে এতিয়া তাইৰ আঙুলিৰ ছালখন বৰ বেয়া হৈ গৈছে। কেৱল সেয়াই নহয়, নখবোৰ ইমান বেয়া হৈ গৈছে যে লাজত কাকো দেখুৱাব পৰা নাই। তদুপৰি বিষৰ বাবে আঙুলিবোৰো লৰচৰ কৰিব নোৱাৰে।
