ডিব্ৰুগড়ত আছু কৰ্মীৰ ওপৰত আৰক্ষীৰ বৰ্বৰতাৰ বিৰুদ্ধে গুৱাহাটী আছুৰ প্ৰতিবাদ
ডিব্ৰুগড়ত আছু কৰ্ম্মীৰ ওপৰত আৰক্ষীৰ বৰ্বৰ অত্যাচাৰৰ বিৰুদ্ধে সমগ্ৰ ৰাজ্যজুৰি আজি প্ৰতিবাদী বিক্ষোভ কাৰ্যসূচী গ্ৰহণ কৰিছে সদৌ অসম ছাত্ৰ সন্থাই।
মুখত ক’লা কাপোৰ বান্ধি ৰাজ্যজুৰি আছুৱে প্ৰতিবাদী কাৰ্যসূচী গ্ৰহণ কৰিছে।
সদৌ অসম ছাত্ৰ সন্থাৰ আহ্বানত গুৱাহাটীতো ছাত্ৰ সন্থাই আজি প্ৰতিবাদ সাব্যস্ত কৰে।
মুখত ক’লা কাপোৰ পৰিধান কৰি দীঘলীপুখুৰী পাৰত বিভিন্ন দাবীৰে এই প্ৰতিবাদী কাৰ্যসূচী ৰূপায়ন কৰে।
আৰক্ষীৰ বৰবর্তা বন্ধ কৰক, অসম চৰকাৰৰ অপশাসন বন্ধ কৰকে আদি কৰি বিভিন্ন দাবীৰে আৰক্ষীয়ে চলোৱা অত্যাচাৰী শাসন বন্ধ কৰিবলৈ দাবী জনায় আছুৰ নেতৃত্বই।
এই সন্দৰ্ভত সদৌ অসম ছাত্ৰ সন্থাৰ সাংগঠনিক সম্পাদক ৰাইফউদ্দীন আহমেদে কয় “ডিব্ৰুগড় আৰক্ষী অধীক্ষকে ৰাজনৈতিক হেঁচাত যি কাম কাজ চলাই আছু কুৰ্মীৰ ওপৰত চলোৱা অত্যাচাৰৰ বিৰুদ্ধে তীব্ৰ গৰিহণা জনাইছো।”
উল্লেখ্য যে ডিব্ৰু মহাবিদ্যালয়ত ABVP ৰ সৈতে নিৰ্বাচন কেন্দ্ৰীক সংঘাতৰ কাৰণে ২৫ ডিচেম্বৰ দিনা ১৫ জন আছুৰ নেতাক গ্ৰেপ্তাৰ কৰি ৫ জনক জেললৈ প্ৰেৰণ কৰিছিল।