বিশ্ব স্বাস্থ্য সংস্থাৰ মুখ্য মহামাৰী বিশেষজ্ঞই জানিবলৈ দিয়া মতে কৰ’না আক্ৰান্ত লোকৰ মাজত মৃত্যুৰ হাৰ ০.৬শতাংশ।
মহামাৰী বিশেষজ্ঞ ডাঃ মাৰিয়া বেন কেৰখোৱে কিছুমান অধ্যয়নত এই তথ্য লাভ কৰা বুলি সদৰী কৰিছে।
তেওঁ কয় যে এয়া বহুত বেছি নহয় যেন লাগিলেও কিন্তু ই গোটেই কম নহয়, কিয়নো প্ৰতি ১৬৭গৰাকী ৰোগীৰ ভিতৰত এগৰাকীৰ মৃত্যু হৈছে।
যোৱা ডিচেম্বৰত চীনৰ উহানৰ পৰা সংক্ৰমিত হৈ পৰাৰ পাছত কৰ’না ভাইৰাছৰ ফলত এতিয়ালৈকে বিশ্বত ৬.৯লাখ লোকৰ মৃত্যু হৈছে।
আনহাতে, মৃত্যুৰ হাৰলৈ চাই বিশ্বত এতিয়ালৈকে ১১.৫কোটি লোক আক্ৰান্ত হৈছে।
কোৱা হৈছে যে বিশ্বত লক্ষাধিক এনেকুৱা লোক আছে যি কৰ’নাত আক্ৰান্ত হৈছে যদিও তেওঁলোকৰ টেষ্ট হৈ উঠা নাই।
ইপিনে, ডাঃ মাৰিয়া বেন কেৰখোৱে কয় যে কৰ’না ভাইৰাছৰ মৃত্যুৰ হাৰ উলিওৱাৰ বাবে বিজ্ঞানীসকলৰ কেইবাটাও দলে কাম কৰি আছে।
ডাঃ মাৰিয়াই লগতে কয় যে প্ৰকৃততে কিমান লোক কৰ’নাৰ দ্বাৰা সংক্ৰমিত হৈছে সেয়া জানিব পৰা হোৱা নাই।
অৱশ্যে, তেওঁ কয় যে কিছুমান অধ্যয়নত আক্ৰান্ত লোকৰ ভিতৰত মৃত্যুৰ হাৰ ০.৬ শতাংশ বুলি কোৱা হৈছে।
ইয়াৰ পূৰ্বে কিছুমান অধ্যয়নত আক্ৰান্ত লোকৰ মৃত্যুৰ হাৰ ০.৮শতাংশ বুলি কোৱা হৈছিল।
আনহাতে, কেম্ব্ৰিজ য়ুনিভৰ্ছিটিৰ গৱেষকসকলে এই হাৰ ১.৪ শতাংশও হ’ব পাৰে বুলি সদৰী কিছে।
