ভাৰতীয় দাৰ্শনিক চাণক্যই ভাৰত আৰু বিশ্বৰ ইতিহাসত বিশেষ ভূমিকা পালন কৰি আহিছে। চাণক্য বাণীয়ে বহু বছৰ ধৰি সমাজ আৰু মানুহৰ জীৱনক সঠিক দিশত আগুৱাই নিয়াৰ পথ দেখুৱাই আহিছে আৰু অনাগত দিনত তেওঁৰ প্ৰতিটো কথাই মানুহক নিজৰ জীৱনটোক উন্নত ৰূপত আগুৱাই নিয়াত সহায় কৰিব।
চাণক্যই সদায় মানুহক এনে তিনিটা কামৰ পৰা বিৰত থাকিবলৈ কৈছিল যিবোৰে মানুহৰ জীৱন বিপন্ন কৰাটো নিশ্চিত।
* অবৈধ সম্পৰ্ক:- যিকোনো ধৰণৰ অবৈধ সম্পৰ্কই জীৱনত কেতিয়াও কাৰো বাবে সুখ আৰু শান্তি কঢ়িয়াই আনিব নোৱাৰে। চাণক্যই সকীয়াই দিয়ে যে যদি তেওঁ কোনো অবৈধ সম্পৰ্কত লিপ্ত হয় তেন্তে ব্যক্তিজনৰ জীৱন চূড়ান্ত সৰ্বনাশ নামি আহিব। অবৈধ সম্পৰ্কৰ যন্ত্ৰণা গোটেই জীৱন ভোগ কৰিবলগা হয়।
* প্ৰৱঞ্চনা কৰি টকা উপাৰ্জনৰ পৰা বিৰত থকা:- ঠগাই টকা উপাৰ্জন কৰিলে নিজকে সুখী অনুভৱ হ’ব পাৰে। কিন্তু এই সুখ কেতিয়াও বেছি দিন নাথাকে। ঠগি উপাৰ্জন কৰা ধনো বেছি দিন নাথাকে।
* বন্ধুত্যাগ:- যিজন ব্যক্তি সঁচাকৈয়ে বুদ্ধিমান তেওঁ নিজৰ প্ৰকৃত বন্ধুক চিনি পায়। এজন জ্ঞানী মানুহে কেতিয়াও প্ৰকৃত বন্ধুক ত্যাগ নকৰে। প্ৰকৃত বন্ধুক পৰিত্যাগ কৰিলে জীৱনত দুৰ্যোগ কাষ চাপিব পাৰে। কাৰণ এজন প্ৰকৃত বন্ধু আমাৰ প্ৰকৃত শুভাকাংক্ষী।
প্ৰকৃত বন্ধু কেৱল সুখৰ সময়তে নহয় বিপদৰ সময়তো আমাৰ কাষত থাকে। গতিকে বন্ধুৱে কোনো কঠোৰ কথা ক’লেও মনত ৰাখিব যে সেয়া আপোনাৰ ভালৰ বাবেই কৈছে। বেয়া মানুহৰ লগত বন্ধুত্ব কৰিলে অসৎ সংগত আপোনাৰ বুদ্ধিমত্তা অতি সোনকালে নষ্ট হ’ব।
