মাৰ সৈতে মোৰ বয়সৰ ব্যৱধান যিমান পত্নীৰ সৈতে মোৰ বয়সৰ ব্যৱধান সিমান : মিলিন্দ

‘মাৰ সৈতে মোৰ বয়সৰ পাৰ্থক্য যিমান পত্নীৰ সৈতেও মোৰ বয়সৰ পাৰ্থক্য সিমান’-এই মন্তব্য মডেল আৰু বলীউদৰ অভিনেতা মিলিন্দ সোমানৰ।

মঙলবাৰে মুম্বাইত পত্নী অংকিতা কোঁৱৰৰ সৈতে এটা ভিডিঅ’ৰ দৃশ্যগ্ৰহণৰ সময়ত সাংবাদিকে অংকিতাক বয়সৰ বিষয়ে সোধাত অংকিতাই ২৬ বছৰ বুলি কোৱাৰ পাছতে অভিনেতাগৰাকীয়ে তেওঁ আৰু পত্নী অংকিতাৰ বয়সৰ মাজত বহুত ব্যৱধান আছে বুলি কয়।

সংবাদ মাধ্যমৰ আগত হাঁহি হাঁহি মডেল তথা অভিনেতাগৰাকীয়ে তেওঁৰ সৈতে মাতৃৰ বয়সৰ ব্যৱধান যিমান পত্নী অংকিতাৰ সৈতেও তেওঁৰ বয়সৰ ব্যৱধান সম পৰ্যায়ৰ বুলি উল্লেখ কৰি প্ৰতিগৰাকী ব্যক্তিয়ে কাক ভাল পাব সেই সম্পৰ্কত স্বধীন হোৱা উচিত বুলি মন্তব্য কৰে।

উল্লেখযোগ্য যে, জনপ্ৰিয় মডেলগৰাকীয়ে দীৰ্ঘদিনৰ প্ৰেমৰ অন্তত তেওঁৰ অসমৰ প্ৰেমিকা অংকিতা কোঁৱৰৰ সৈতে বিবাহ পাশত আবদ্ধ হৈছিল। মিলিন্দৰ বৰ্তমান বয়স ৫৩ বছৰ হোৱাৰ বিপৰীতে অংকিতাৰ বয়স ২৬ বছৰ।

সেই সময়ত দুয়োৰো মাজত থকা বয়সৰ ব্যৱধানৰ বাবে প্ৰায়ে সংবাদ মাধ্যমৰ শিৰোনামা দখল কৰিছিল মিলিন্দ আৰু অংকিতাৰ ৰোমান্তিক যুটিটোৱে।