বহুত সাৱধানে থাকিও অৱশেষত ক’ভিড-১৯ ত আক্ৰান্ত হ’ল ভ্ৰাম্যমাণৰ মঞ্চ কঁপোৱা জনপ্ৰিয় অভিনেতা মৃদুল ভূঞা । নিজৰ ফেচবুক পেইজৰ জৰিয়তে অভিনেতা গৰাকীয়ে জনাইছে এই কথা।
কভিড-১৯ ৰ দ্বিতীয় ঢৌ অতি ভয়ংকৰ বুলি চিকিৎসকসকলে কৈ আহিছে বুলি উল্লেখ কৰি ভূঞাই লগতে লিখি কয় “আজিৰ পৰা ৫ দিন আগত মোৰো সামান্য পানীলগা আৰু জ্বৰ হৈছিল । মোৰ সন্দেহ ওপজাত লগে লগে মই চিকিৎসকৰ হতুৱাই Test কৰালো আৰু Covid 19 ধৰা পৰিল । ”
ডাক্তৰৰ পৰামৰ্শমতে তেওঁ প্ৰায় ৫ দিন Home quarantine ত থকা বুলিও তেওঁ উল্লেখ কৰে ।
এতিয়া তেওঁ সম্পূৰ্ণ সুস্থ হৈ আছে যদিও অলপ অলপ কাঁহ থকাত আজি তেওঁ নিজেই হস্পিতালত ভৰ্তি হৈছে বুলি জানিবলৈ দিয়ে
পোষ্টটোৰ শেষৰ ফালে ভূঞাই তেওঁৰ খবৰ লোৱা সকলো অনুৰাগীকে কৃতজ্ঞতা জ্ঞাপন কৰি সকলোলৈ আহ্বান জনাই কয় “সকলোৱে সাৱধানে থাকক, সুস্থ থাকক । ক’ভিডক কোনোৱে ইতিকিং নকৰিব । ই এক মাৰাত্মক মহামাৰী ।”
