ভাৰতত ১০ বিলিয়ন ডলাৰৰ চিপ নিৰ্মাণ প্ৰকল্পৰ বাবে ইজৰাইলৰ টাৱাৰ ছেমিকণ্ডাক্টৰৰ সৈতে আলোচনা বন্ধ কৰিল উদ্যোপতি গৌতম আদানীৰ নেতৃত্বৰ আদানী গ্ৰুপে। ভাৰতত অনিশ্চিত চাহিদাৰ বাবে প্ৰকল্পটোৰ কৌশলগত আৰু বাণিজ্যিক কাৰ্য্যক্ষমতাৰ অভাৱ বুলি জ্ঞাত হোৱাৰ পিছতে এই সিদ্ধান্ত গ্ৰহণ কৰে অদানি গ্ৰুপে।
ভাৰতক বিশ্বব্যাপী চিপ নিৰ্মাণৰ কেন্দ্ৰ হিচাপে গঢ়ি তোলাৰ লগতে মহাৰাষ্ট্ৰত প্ৰতিমাহে ৮০ হাজাৰ ৱেফাৰ উৎপাদন কৰা আৰু ৫,০০০ চাকৰিৰ সৃষ্টি কৰাৰ লক্ষ্যৰে ২০২৪ চনৰ ছেপ্টেম্বৰ মাহত এই প্ৰকল্পৰ ঘোষণা কৰা হৈছিল।
আদানী গ্ৰুপৰ আভ্যন্তৰীণ পৰ্যালোচনাত প্ৰকল্পটোৱে চিপৰ বাবে পৰ্যাপ্ত স্থানীয় চাহিদা সৃষ্টি কৰাৰ ক্ষমতাৰ বিষয়ে উদ্বেগ প্ৰকাশ কৰে। ইফালে ইউ বি এছৰ এক প্ৰতিবেদনত ভাৰতৰ অৰ্ধপৰিবাহীৰ বজাৰ বৃদ্ধি পোৱাৰ সময়তে বৰ্তমান বিশ্বৰ চাহিদাৰ মাত্ৰ ৬.৫%হে ইয়াৰ লাভ আছে, আনহাতে আমেৰিকা আৰু চীনে মিলি ৫৪% লাভ কৰিছে বুলি প্ৰকাশ পাইছে।
উল্লেখ্য যে টাৱাৰে মূলতঃ কাৰিকৰী বিশেষজ্ঞতা প্ৰদান কৰাৰ বাবে গোটটোৱে টাৱাৰ ছেমিকণ্ডাক্টৰেও অধিক আৰ্থিক বিনিয়োগ কৰাটো বিচাৰিছিল। এক বিশেষ সূত্ৰ অনুসৰি এয়া আছিল এক কৌশলগত সিদ্ধান্ত। ২০২৩ চনত ১৯.৫ বিলিয়ন ডলাৰৰ বেদান্ত-ফক্সকন চিপ উদ্যোগৰ পতনৰ পিছত ভাৰতৰ অৰ্ধপৰিবাহী উচ্চাকাংক্ষাৰ বাবে এই বিৰতিৰ সৃষ্টি হৈছে।ইয়াৰ পিছতো টাটা গ্ৰুপৰ ১১ বিলিয়ন ডলাৰৰ চিপ নিৰ্মাণ প্লাণ্ট আৰু আমেৰিকা যুক্তৰাষ্ট্ৰৰ মাইক্ৰনৰ ২.৭ বিলিয়ন ডলাৰৰ চিপ পেকেজিং ইউনিটকে ধৰি অন্যান্য প্ৰকল্পসমূহ আগবাঢ়িছে। আদানী গ্ৰুপৰ এই সিদ্ধান্তই ভাৰতৰ নতুন চিপ বজাৰত প্ৰৱেশৰ ক্ষেত্ৰত সাৱধানতা প্ৰতিফলিত কৰিছে, য’ত এতিয়াও চাহিদা আৰু আন্তঃগাঁথনিৰ বিকাশ ঘটিছে। অৱশ্যে এই নিষেধাজ্ঞা সন্দৰ্ভত আনুষ্ঠানিকভাৱে কোনো মন্তব্য কৰা নাই অদানী গ্ৰুপে।
