অভূতপূৰ্ব! আমাৰ সূৰ্য্যটো দেখিবলৈ কেনেকুৱা? দেখুৱাই দিলে সৌৰযান আদিত্যই

ইছৰোৰ চন্দ্ৰযান চন্দ্ৰত অৱতৰণ কৰি ইতিহাস ৰচনা কৰিছে। এইবাৰ ভাৰতীয় মহাকাশ সংস্থাৰ সৌৰযান আদিত্য এল ১ য়ে সূৰ্য্যৰ ফটো তুলিলে। অতিবেঙুনীয়া তৰংগদৈৰ্ঘ্যৰ ওচৰত সূৰ্য্যৰ সম্পূৰ্ণ ছবি এইবাৰ প্ৰথম তোলা হৈছে।

২ ছেপ্টেম্বৰৰ পুৱা অন্ধ্ৰ প্ৰদেশৰ শ্ৰীহৰিকোটাৰ সতীশ ধৱন মহাকাশ কেন্দ্ৰৰ পৰা আদিত্য এল ১ উৎক্ষেপণ কৰা হয়। ৩ ছেপ্টেম্বৰত সৌৰ যানখনে প্ৰথমবাৰৰ বাবে কক্ষপথ সলনি কৰিছিল। ইয়াৰ পিছত ই ক্ৰমে পাঁচবাৰ কক্ষপথ সলনি কৰি পৃথিৱীৰ ‘মায়া’ এৰি মহাকাশলৈ গৈ সূৰ্য্যৰ ওচৰ পায়গৈ।

লগতে পঢ়কঃ ২০১৮ চনৰ পৰা বিদেশত অধ্যয়ন কৰিবলৈ গৈ মৃত্যু ৪০৩ গৰাকী ভাৰতীয় শিক্ষাৰ্থীৰ; জনালে কেন্দ্ৰই

ইছৰোৰ সৌৰযানে ২০২৪ চনৰ ৭ জানুৱাৰীত যাত্ৰাৰ অন্তিম পৰ্যায়ত প্ৰৱেশ কৰিব। কিন্তু তাৰ আগতে সৌৰাযানে নিজৰ কাম আৰম্ভ কৰিছে। আৰু ই তোলা এই সূৰ্য্যৰ ফটোক লৈ মহাকাশ বিজ্ঞানী মহলত তোলপাৰ লাগিছে।

যোৱা ২০ নৱেম্বৰত ‘ছোলাৰ আল্ট্ৰাভায়োলেট ইমেজিং টেলিস্কোপ’ বা SUIT সক্ৰিয় হয়  আৰু এইবাৰ সেই টেলিস্কোপেই আশ্বৰ্য কঢ়িয়াই আনিলে।

Aditya-L1 Mission:
The SUIT payload captures full-disk images of the Sun in near ultraviolet wavelengths

The images include the first-ever full-disk representations of the Sun in wavelengths ranging from 200 to 400 nm.

They provide pioneering insights into the intricate details… pic.twitter.com/YBAYJ3YkUy

— ISRO (@isro) December 8, 2023

২০০ৰ পৰা ৪০০ নেন’মিটাৰ তৰংগদৈৰ্ঘ্যৰ মধ্যৱৰ্তী অঞ্চলত সূৰ্য্যৰ এই প্ৰতিচ্ছবিত পৃথিৱীৰ আটাইতকৈ ওচৰৰ নক্ষত্ৰটোৰ যি ছবি পোহৰলৈ আহিছে সেয়া অভূতপূৰ্ব।

ইয়াত দেখা সূৰ্য্যৰ তৰপটো অধ্যয়ন কৰি সৌৰ পৰিঘটনাসমূহ বুজি পোৱা আৰু ইয়াৰ বিষয়ে অধিক অজ্ঞাত তথ্য লাভ কৰা সম্ভৱ হ’ব বুলি আশা কৰা হৈছে।