বাংলাদেশৰ প্ৰধানমন্ত্ৰী পদৰ পৰা শ্বেখ হাছিনা ক্ষমতাচ্যুত হোৱাৰ পিছত ভাৰতত বাংলাদেশী নাগৰিকসকলৰ অনুপ্ৰৱেশৰ চেষ্টা লক্ষ্যণীয়্ভাবে বৃদ্ধি পোৱা বুলি ভাৰত চৰকাৰে সদৰী কৰিছে। কেন্দ্ৰীয় গৃহমন্ত্ৰালয়ৰ মন্ত্রী নিত্যানন্দ ৰাইয়ে হাছিনাৰ অপসাৰণৰ পিছত অনুপ্ৰৱেশৰ চেষ্টা বৃদ্ধি পোৱা বুলি সদনৰ মজিয়াত উল্লেখ কৰিছে।
২০২৪ বৰ্ষৰ জানুৱাৰী আৰু ২০২৫ বৰ্ষৰ জানুৱাৰীৰ সময়ছোৱাত ২,৬০১ জন বাংলাদেশী অনুপ্ৰৱেশকাৰী ধৰা পৰিছিল। চৰকাৰী পৰিসংখ্যা অনুসৰি, অনুপ্ৰৱেশৰ চেষ্টাৰ পৰিমাণ ক্ৰমাগতভাবে বৃদ্ধি পাইছে যিটো আগষ্টত ২১৪, ছেপ্টেম্বৰত ৩০০, অক্টোবৰত ৩৩১, নবেম্বৰত ৩১০ আৰু ডিচেম্বৰত ২৫৩। গৃহমন্ত্ৰালয়ে বাংলাদেশত সম্ভাৱ্য পৰিস্থিতিৰ প্ৰতি লক্ষ্য ৰাখি সীমান্ত সুৰক্ষা দৃঢ় কৰি তুলিছে।
সীমান্তত থকা ব্যক্তিসকলৰ অৱস্থান পৰ্যবেক্ষণৰ বাবে বর্ডাৰ সুৰক্ষা বাহিনীয়ে এতিয়া থাৰ্মাল ইমেজাৰ, নাইট-ভিশন ডিভাইচ, ইয়াৰ উপৰিও ইউএভি, চিচিটিভি, আৰু ইনফ্ৰাৰেড চেন্সৰ আদিও ব্যৱহাৰ কৰা হৈছে বুলি মন্ত্ৰালয়ে সদৰী কৰিছে।
