প্ৰধান মন্ত্ৰী নৰেন্দ্ৰ মোদীৰ বিৰুদ্ধে সামাজিক মাধ্যমত তীব্ৰ ঘৃণনীয় মন্তব্য কৰাৰ অভিযোগত ত্ৰিপুৰা আৰক্ষীয়ে ৰাজ্যখনৰ এজন যুৱকৰ বিৰুদ্ধে গোচৰ ৰুজু কৰিছে।
ত্ৰিপুৰাৰ বিজেপি যুৱ মৰ্চাৰ নেতা অমিতাভ ভট্টাচাৰ্য্যই দাখিল কৰা এখন এজাহাৰৰ ভিত্তিতে আৰক্ষীয়ে জন চৌধুৰী নামৰ যুৱক জনৰ বিৰুদ্ধে আগৰতলা আৰক্ষী চকীত এটা গোচৰ ৰুজু কৰে।
সোমবাৰে প্ৰধান মন্ত্ৰী নৰেন্দ্ৰ মোদীয়ে ৰাজ্যসভাত সম্বোধন কৰি থকা সময়ত ত্ৰিপুৰাৰ আগৰতলাৰ গোলচক্কৰ অঞ্চলৰ যুৱকজনে প্ৰধান মন্ত্ৰীৰ বিৰুদ্ধে সামাজিক মাধ্যম ফেইচবুকত ঘৃণনীয় মন্তব্য কৰিছিল।
উল্লেখযোগ্য যে, কিছুদিন পূৰ্বে গোৱাৰ এগৰাকী ব্যক্তিয়ো সামাজিক মাধ্যমত নৰেন্দ্ৰ মোদীক ধনৰ বিনিময়ত হত্যাৰ ভাবুকি দি আৰক্ষীৰ হাতত আটক হ’বলগীয়া হৈছিল।
বিভিন্ন সময়ত দেশৰ বিভিন্ন ব্যক্তিয়ে সামাজিক মাধ্যমত প্ৰধান মন্ত্ৰী নৰেন্দ্ৰ মোদীক লৈ ককৰ্থনা পুৰ্ণ মন্তব্য কৰি অহা দেখা গৈছে।
