অসমৰ ডিব্ৰুগড়ৰ এইমছ ভুৱনেশ্বৰৰ দ্বিতীয় বৰ্ষৰ এমবিবিএছ পাঠ্যক্ৰমত অধ্যয়নৰত ছাত্ৰ এজনৰ ২৪ ডিচেম্বৰ মঙলবাৰে চৰম পন্থা বাচি লয়।
দ্বিতীয় বৰ্ষৰ পৰীক্ষাত হাজিৰ হোৱাৰ মাত্ৰ এদিন পূৰ্বে হোষ্টেলৰ কোঠাৰ চিলিং ফেনত ওলমি থকা অৱস্থাত উদ্ধাৰ হয় ছাত্ৰজনৰ মৃতদেহ।
খবৰ অনুসৰি যোৱা ২৪ ডিচেম্বৰত গৃহ চহৰ ডিব্ৰুগড়ৰ পৰা পিতৃৰ সৈতে ভুৱনেশ্বৰলৈ উভতি আহিছিল ছাত্ৰজন।
দুয়োজনে একেলগে ৰাতিৰ আহাৰ খাইছিল, আৰু দেউতাক ৰাতি হোটেল এখনত থাকিছিল। কিন্তু পিছদিনা পুৱা যেতিয়া ছাত্ৰজনে দেউতাকৰ ফোন কলৰ উত্তৰ দিয়া বন্ধ কৰি দিলে, তেতিয়া দেউতাকৰ উদ্বিগ্ন হৈ পৰিল।
ছাত্ৰজনে অসমত থকা সৰু ভাইটিলৈ প্ৰেৰণ কৰা এটা দুখজনক অডিঅ’ মেছেজৰ কথা গ’ম পোৱাৰ পাছত পিতৃয়ে লৰালৰিকৈ হোষ্টেললৈ যায়, য’ত তেওঁ পুত্ৰৰ নিৰ্জীৱ মৃতদেহটো আৱিষ্কাৰ কৰে।
তেওঁক পুনৰুজ্জীৱিত কৰাৰ চেষ্টা চলোৱাৰ পাছতো চিকিৎসালয়খনৰ দুৰ্ঘটনা বিভাগত ছাত্ৰজনক মৃত বুলি ঘোষণা কৰা হয়।
ঘটনাস্থলীত উদ্ধাৰ হোৱা এটা ছুইচাইড নোটত প্ৰকাশ পাইছে যে ছাত্ৰজনে নিজৰ জীৱনক লৈ হতাশা প্ৰকাশ কৰিছিল আৰু তেওঁৰ মৃত্যুৰ বাবে কোনোৱেই দায়ী নহয় বুলি উল্লেখ কৰিছে।
নোটখনত তেওঁৰ সৰু ভাতৃলৈ এটা আন্তৰিক বাৰ্তাও সন্নিবিষ্ট কৰা হৈছিল, য’ত তেওঁক নিজৰ সপোন পূৰণ কৰিবলৈ আৰু তেওঁলোকৰ পৰিয়ালৰ মাটি বিক্ৰী নকৰিবলৈ আহ্বান জনোৱা হৈছিল।
আৰক্ষীয়ে অস্বাভাৱিক মৃত্যুৰ গোচৰ ৰুজু কৰি তদন্ত অব্যাহত ৰাখিছে।
