বাঘজানৰ তেলখাতৰ অগ্নিকাণ্ডত ক্ষতিগ্ৰস্ত হোৱা পৰিয়াললৈ ১০ লাখ টকাৰ আৰ্থিক সাহায্য প্ৰদান কৰাৰ ঘোষণা কৰিছে এ আই য়ু ডি এফ প্ৰধান বদৰুদ্দিন আজমলে।
এই দহ লাখ টকা পেকেজৰে ক্ষতিগ্ৰস্ত প্ৰায় ৩ হাজাৰ মহিলাক মেখেলা, চাদৰ আৰু শাৰী বিতৰণ কৰাৰ উপৰিও প্ৰায় ৬০০ পুৰুষক লংপেন্ট চাৰ্ট প্ৰদানৰ কথা ঘোষণা আজমলৰ।
ইয়াৰ উপৰি, এই অগ্নিকাণ্ডত প্ৰাণ হেৰুওৱা দুয়োগৰাকী লোকৰ পৰিয়াললৈ ৫০ হাজাৰকৈ এক কালীন সাহায্যৰ কথা ঘোষণা কৰে আজমলে।
আজিৰ পৰাই এই সাহায্য বিতৰণৰ কাম আৰম্ভ হ’ব বুলি আজমলে জনায়।
যোৱা তিনিদিন ধৰি এআইয়ুডিএফৰ এটা দল কংগ্ৰেছৰ বিধায়কৰ সৈতে ঘূৰি ক্ষতিগ্ৰস্ত লোকৰ অৱস্থাৰ বুজ লৈ থকা বুলিও আজমলে জানিবলৈ দিয়ে।
ইপিনে, যোৱা নিশা এই ১০ লাখ টকাৰ সাহায্য লৈ বাঘজানলৈ এআইয়ুডিএফৰ সাধাৰণ সম্পাদক আৰু বিধায়কৰ এটা দল ৰাওনা হৈছিল বুলি তেওঁ কয়।
