নিষিদ্ধ ‘পাবজি’ৰ পাছত এইবাৰ ভুৱা ‘ফৌজি’ এপৰ পৰা সাৱধান!
ভাৰতত ‘পাবজি’ নিষিদ্ধ হোৱাৰ পাছত যুৱ সম্প্ৰদায়ৰ মাজৰ একাংশ হতাশ হৈ পৰাৰ খৱৰে ইতিমধ্যে চৰ্চা লাভ কৰিছিল।
দেশৰ কিশোৰসকলৰ মাজত এই গেম অতি জনপ্ৰিয় হৈ পৰিছিল। ইয়াৰ পাছতে মুকলি কৰা হব আন এটি জনপ্ৰিয় গেম ‘ফৌজি’।
এইবাৰ এই গেমক লৈয়ো বিতৰ্কৰ সূত্ৰপাত হৈছে। ভুৱা গেম এপ্লিকেশ্যনৰ পৰা সকলোকে সাৱধান কৰি দিয়া হৈছে।
উল্লেখ যে ‘ফৌজি’ গেমৰ সৈতে জড়িত হৈ আছে অভিনেতা অক্ষয় কুমাৰ। এই গেম অহাৰ খৱৰৰ পাছৰে পৰা যিদৰে একাংশ লোক আকৰ্ষিত হৈছে, সেইদৰে আন একাংশই ইয়াৰ সমালোচনাও কৰিছে।
ইয়াৰ মাজতে প্লে-ষ্ট’ৰত এই গেমৰ একাধিক ভুৱা এপ্লিকেশ্যন দেখা পোৱা গৈছে। যিবোৰ প্ৰায় পাঁচ হাজাৰৰো অধিকবাৰ ডাউনলোড হোৱা বুলি কোৱা হৈছে। ইতিমধ্যে প্লে-ষ্টৰে একাধিক ভুৱা এপ অঁতৰাই দিছে।
প্ৰধান মন্ত্ৰী মোদীৰ ‘আত্মনিৰ্ভৰ ভাৰত’ অভিযানৰ এটা অংশ হৈছে এই ‘ফৌজি’ গেম। এই গেমৰ পৰা অহা ধনৰ ২০ শতাংশ স্বেচ্ছাসেৱী সংস্থাক দান কৰা হ’ব। এই সংগঠনৰ নাম হৈছে ‘ভাৰত কা বীৰ’।
অতি সোনকালেই এইটো মুকলি হ’ব। শ্বহীদ জোৱানৰ সাহায্যৰ বাবে এই সংগঠন গঠন কৰা হৈছে বুলি কোৱা হৈছে।
সোনকালেই এই গেমৰ আপডেট পোৱা যাব। ইয়াৰ পূৰ্বে ‘ফৌজি’ গেমৰ পোষ্টাৰ নকল বুলিও সমালোচনা হৈছিল। এই সন্দৰ্ভত গুগলক পদক্ষেপ গ্ৰহণ কৰিবলৈ আহ্বান জনোৱা হৈছে।