আজি মিচিং জনগোষ্ঠীয় লোকৰ কৃষিভিত্তিক জাতীয় উৎসৱ আলি আয়ে লৃগাং।
প্ৰতি বছৰে ফাগুন মাহৰ প্ৰথমটো বুধবাৰে অসমৰ প্ৰাচীন খিলঞ্জীয়া ভূমিপুত্ৰ মিচিং জনগোষ্ঠীৰ লোকসকলে কৃষি ভিত্তিক উৎসৱটি পৰম্পৰাগত ভাবে পালন কৰি আহিছে।
সমগ্ৰ ৰাজ্যৰ লগতে যোৰহাট জিলাৰ টীয়কটো আজি পৰম্পৰাগত ভাৱে উদযাপন কৰা হৈছে মিচিং জনগোষ্ঠীয় লোকৰ কৃষিভিত্তিক জাতীয় উৎসৱ আলি আয়ে লৃগাংl
টীয়কৰ সোণাৰী মিছিং গাঁৱত পুৱাৰে পৰা আলি আয়ে লৃগাঙৰ বাবে উৎসৱ মুখৰ পৰিবেশৰ সৃষ্টি হৈছে।
ৰাতিপুৱাৰ ভাগত মাংগলিক অনুষ্ঠান সম্পন্ন কৰাৰ পিছত পুৰাং আপ্পিন আৰু ছাই মদৰ জুতি ল’ব বুঢ়া-বুঢ়ী, আদহীয়া বোৱাৰী, ডেকা গাভৰু সকলোৱে।
গুমৰাগ নৃত্যত মতলীয়া হব মিচিং কঃনেং সকলেও। মিচিং কঃনেং সকলে ৰিবি গাচেং আৰু ডেকা সকলে মিবু গালুগ পৰিধান কৰি মতলীয়া হ’ব গুমৰাগ নৃত্যত।
আনহাতে, মাংগলিক ৰীতি-নীতিৰে বীজ সিঁচাৰ কাৰ্য্যৰো শুভাৰম্ভ কৰা হয় অনুষ্ঠানৰ আৰম্ভণিতে।
সকলো লোকে পৰম্পৰাগত সাজপাৰেৰে কাযসূচীত অংশগ্ৰহণ কৰা দেখা যায়l
