আজি অ’ল ইণ্ডিয়া ৰেডিঅ’ গুৱাহাটী আৰু শ্বিলঙৰ ৭২ বছৰীয়া বৰ্ষপূৰ্তি
সোমবাৰে অল ইণ্ডিয়া ৰেডিঅ’ গুৱাহাটী আৰু শ্বিলঙে নিৰবিচ্ছিন্ন ৭২ বছৰীয়া সেৱা আগবঢ়োৱাৰ বৰ্ষপূৰ্তি উদযাপন কৰে।
১৯৪৮ চনৰ ১ জুলাইত যমজ গুৱাহাটী আৰু শ্বিলং অনাতাৰ কেন্দ্ৰই প্ৰতিষ্ঠা লাভ কৰিছিল। ব্ৰহ্মপুত্ৰৰ পাৰত থকা উজানবজাৰ ঘাটত অৱস্থিত সুন্দৰ কমিশ্যনাৰ আবাসৰ পৰা গুৱাহাটী কেন্দ্ৰটোৰ সেৱা সম্প্ৰচাৰিত হয়।
অসমৰ মুখ্ যমন্ত্ৰী গোপীনাথ বৰদলৈ শ্বিলঙত থকা বিধান সভাৰ ভৱন অনাতাঁৰ কেন্দ্ৰৰ বাবে আৱন্তন জনোৱাৰ পাছত ইয়াৰ দীঘলীয়া যাত্ৰাৰ আৰম্ভণি হয়।
যমজ অনাতাঁৰ কেন্দ্ৰ মুকলি কৰাৰ পাছত ড০ ভূপেন হাজৰিকা, ফণি তালুকদাৰ আৰু বীৰেন্দ্ৰ কুমাৰ ফুকনক অস্থায়ীভাৱে ১ জুন ১৯৪৮ চনত সহকাৰী অনুষ্ঠান সঞ্চালক হিচাপে নিযুক্তি দিয়া হয়।
মুখ্য মন্ত্ৰী গোপীনাথ বৰদলৈ আৰু মৌলানা মহম্মদ টাইবুল্লাহে সম্পূৰ্ণ আনুষ্ঠিকভাৱে ক্ৰমে শ্বিলং আৰু গুৱাহাটী অনাতাঁৰ কেন্দ্ৰ দুটা মুকলি কৰে। মেহেৰা মাছানী শ্বিলং আৰু গুৱাহাটী অনাতাঁৰ কেন্দ্ৰৰ প্ৰথম ষ্টেশ্যন সঞ্চালক আছিল।
অনাতাঁৰ কেন্দ্ৰ দুটাই গুৱাহাটী আৰু শ্বিলং কেন্দ্ৰৰ পৰা ১ কিলোৱাট ট্ৰেঞ্চমিটাৰ যোগে ইয়াৰ অনুষ্ঠান প্ৰচাৰিত কৰিছিল।
১৯৫৩ চনত অনতাঁৰ কেন্দ্ৰ দুটাৰ ট্ৰেঞ্চমিটাৰ শক্তি ১০ কিলোৱাটলৈ বৃদ্ধি কৰি জালুকবাৰীত স্থাপন কৰা হয়। ইয়াৰ লগে লগে কামৰূপ, নগাঁও আৰু ওচৰৰ জিলাসমূহলৈ অনাতাঁৰ কেন্দ্ৰৰ সেৱা সম্প্ৰসাৰিত হয়।
১৫৫৩ চনতে শ্বিলং-গুৱাহাটী অনাতাঁৰ কেন্দ্ৰৰ মুখ্য কাৰ্য্যালয়ৰ স্থান সলনি কৰি গুৱাহাটীৰ চান্দমাৰিত স্থায়ীভাৱে স্থাপন কৰা হয়।
আনহাতে, অসমৰ ৰাজধানী দিচপুৰলৈ লৈ অহাৰ পাছত গুৱাহাটী অনাতাঁৰ কেন্দ্ৰটোৱে সম্পূৰ্ণতা লাভ কৰে।
সম্পুৰ্ণৰূপে আত্মনিৰ্ভলশীল হৈ উঠাৰ পাছৰ পৰা গুৱাহাটী অনাতাঁৰ কেন্দ্ৰই ইয়াৰ শ্ৰোতাসকলৰ বাবে বাতৰি আৰু মনোৰঞ্জন ধৰ্মী অনুষ্ঠান পৰিবেশন কৰি আহিছে।
বৰ্তমান ৩ টা চেনেলৰে সৈতে অল ইণ্ডিয়া গুৱাহাটী এটা সম্পুৰ্ণ স্থানীয় অনাতাঁৰ কেন্দ্ৰ। গুৱাহাটা এ আৰু গুৱাহাটী বি হ’ল এ এম চেনেল আনাহাতে চি বি এছ হ’ল এফ এম চেনেল।
গুৱাহাটী অনাতাঁৰ কেন্দ্ৰৰ কাৰ্য্যালয়ত সোমবাৰে ইয়াৰ ৭২ বছৰীয়া বৰ্ষপুৰ্তিৰ বাবে বিভিন্ন সাংস্কৃতিক অনুষ্ঠান অনুষ্ঠিত কৰে।