ম্যানমাৰৰ দহগৰাকী সেনা বিষয়াৰ বিৰুদ্ধে প্ৰতিবন্ধকতা আৰোপ কৰিছে আমেৰিকা যুক্তৰাষ্ট্ৰই।
আমেৰিকাই প্ৰতিবন্ধকতা আৰোপ কৰা দহগৰাকী শীৰ্ষস্থানীয় সেনা বিষয়াৰ ভিতৰত ছয় গৰাকী দেশখনৰ সুৰক্ষা পৰিষদ আৰু ৰাষ্ট্ৰীয় প্ৰতিৰক্ষাৰ সদস্য।
আমেৰিকাই প্ৰতিবন্ধকতা আৰোপ কৰা ম্যানমাৰ সেনাৰ বিষয়া কেইগৰাকী হৈছে ক্ৰমে- ম্যানমাৰ সেনা বাহিনীৰ মুৰব্বী মিন আং, লাইং, উপ-মুখ্য সেনাধ্যক্ষ ছোই বিন, অৱসৰপ্ৰাপ্ত লেফটেনেণ্ট জেনেৰেল মিণ্টু ছ্যু, লেফটেনেণ্ট জেনেৰেল ছীন বিন, ছোয়ে টুটু আৰু য়েং আং, ম্যান তুন উ, এডমিৰেল তিন আং ছান, য়ে বিন উ আৰু জেনেৰেল আং লিন দ্বে।
অলপতে গণতান্ত্ৰিক প্ৰক্ৰিয়াৰে নিৰ্বাচিত ম্যানমাৰ চৰকাৰৰ নেতা সকলক বন্দী কৰি সামৰিক শাসন আৰম্ভ কৰা কাৰ্য্যত এই বিষয়া সকল জড়িত হৈ আছিল বুলি আমেৰিকা যুক্তৰাষ্ট্ৰই উল্লেখ কৰে।
আমেৰিকাৰ বিদেশ মন্ত্ৰী টোনী ক্লিংকনে এই সম্পৰ্কে প্ৰকাশ কৰি শীঘ্ৰে আং ছান ছ্যু কীৰ লগতে বন্দী নেতা সকলক মুকলি কৰি দিবলৈ ম্যানমাৰক নিৰ্দেশ দিয়ে।
