কৰোণাৰ উৎসৰ তথ্যক লৈ আশ্বস্ত নহয় আমেৰিকা যুক্তৰাষ্ট্ৰ, স্বচ্ছভাৱে পুনৰ অনুসন্ধানৰ দাবী
কৰোণাৰ প্ৰকৃত উৎস সম্পৰ্কে পুনৰ অনুসন্ধান চলাবলৈ দাবী জনালে আমেৰিকা যুক্তৰাষ্ট্ৰই।
দেশখনৰ শীৰ্ষস্থানীয় মহামাৰী বিশেষজ্ঞ তথা চিকিৎসা বিজ্ঞানী এণ্টনী ফৌচীয়ে কৰোণাৰ প্ৰকৃত উৎস সম্পৰ্কে সংশয় প্ৰকাশ কৰাৰ পাছতে দেশখনৰ স্বাস্থ্য সচিব জেভিয়েৰ বেকেৰাই মুখ খুলিছে।
পোনপটীয়াভাৱে চীনৰ নাম উল্লেখ নকৰাকৈ স্বাস্থ্য সচিবজনে মঙলবাৰে কয় যে কৰোণাৰ উৎসক লৈ দ্বিতীয় পৰ্যায়ৰ গৱেষণাৰ প্ৰয়োজন, যি স্বচ্ছ আৰু বিজ্ঞানভিত্তিক হ’ব।
তেওঁ কয় যে ইয়াৰ বাবে আন্তৰ্জাতিক বিশেষজ্ঞসকলক ভাইৰাচটোৰ প্ৰকৃত উৎস কেন্দ্ৰত গৱেষণা কৰিবলৈ স্বাধিনতা প্ৰদান কৰিব লাগিব।
উল্লেখযোগ্য যে কৰোণাৰ উৎসৰ প্ৰাথমিক তথ্যসমূহক লৈ ১১ মে’ তাৰিখে এণ্টনী ফৌচীয়ে সন্দেহ ব্যক্ত কৰিছিল।