লকডাউনৰ মাজতে কাজিৰঙা ৰাষ্ট্ৰীয় উদ্যানত সংঘটিত হৈছে গঁড় হত্যাৰ ঘটনা।
উদ্যানখনৰ অগৰাতলি বনাঞ্চলৰ ডোৰামাৰি বিলৰ সমীপত শনিবাৰে উদ্ধাৰ হৈছে এটা খড়্গবিহীন গঁড়ৰ মৃতদেহ৷
শনিবাৰে বিয়লি বনকৰ্মীয়ে খড়্গবিহীন গঁড়ৰ মৃতদেহটো উদ্ধাৰ কৰে৷
সন্দেহ কৰা মতে দুই-তিনিদিনৰ আগতে চোৰাং চিকাৰীয়ে গঁড়টো হত্যা কৰি খড়্গ লৈ যাবলৈ সক্ষম হৈছিল৷
বিলখনৰ পাৰত পৰি ৰোৱা গঁড়ৰ মৃতদেহটোৰ সমীপতে ৮জাঁই এ কে ৪৭ৰ সক্ৰিয় গুলী উদ্ধাৰ কৰিছে বনকৰ্মীয়ে৷
ঘটনাৰ সবিশেষ এতিয়াও জানিব পৰা হোৱা নাই৷
ঘটনাস্থলীলৈ ৰাষ্ট্ৰীয় উদ্যানৰ বন বিষয়াসকল ৰাওনা হৈছে৷
চলিত বৰ্ষত কাজিৰঙা ৰাষ্ট্ৰীয় উদ্যানত এইটোৱে গঁড় হত্যাৰ প্ৰথম ঘটনা বুলি জানিব পৰা গৈছে৷
বিগত সময়ত উদ্যানখনত চোৰাংচিকাৰীৰ হেঁচা অব্যাহত আছিল যদিও গঁড় হত্যা কৰিব পৰা নাছিল৷
