২১ জুলাইত উপ-ৰাষ্ট্ৰপতি জগদীপ ধনখড়ৰ আকস্মিকভাৱে পদত্যাগে দেশৰ ৰাজনৈতিক ক্ষেত্ৰখন জুকাৰি গৈছিল। ধনখড়ৰ পদত্যাগৰ আঁৰৰ কাৰণক লৈ সৃষ্টি হোৱা বিভিন্ন জল্পনা-কল্পনাৰ মাজতে কেন্দ্ৰীয় গৃহমন্ত্ৰী অমিত শ্বাহে জগদীপ ধনখড়ৰ পদত্যাগ সন্দৰ্ভত স্পষ্টীকৰণ আগবঢ়াইছে। সংবাদ মাধ্যমৰ আগত প্ৰদান কৰা এক বিবৃতিত শ্বাহে কয় যে ধনখড়ে নিজৰ সাংবিধানিক দায়িত্ব যথাযথভাৱে পালন কৰি আইন-সংবিধানৰ প্রতি আস্থা ৰাখি কাম কৰিছিল।
শ্বাহৰ ভাষ্য অনুসৰি, ধনখড়ে কোনো ৰাজনৈতিক কাৰণত নহয়, ব্যক্তিগত স্বাস্থ্যজনিত সমস্যাৰ ফলতেই পদত্যাগ কৰিবলৈ বাধ্য হৈছিল। গৃহমন্ত্ৰীগৰাকীয়ে লগতে কয় যে এই বিষয়ত অযথা বিতৰ্ক উত্থাপন নকৰাই ভাল।
পদত্যাগৰ পিছৰে পৰা উপ-ৰাষ্ট্ৰপতি ধনখড় ৰাজহুৱাকৈ আত্মপ্ৰকাশ নকৰা আৰু কোনো মন্তব্য নকৰাৰ ফলত কংগ্ৰেছসহ বিৰোধী দলসমূহে কেন্দ্ৰক কঠোৰ সমালোচনা কৰিছিল। কংগ্ৰেছ নেতা ৰাহুল গান্ধীয়ে ধনখড়ৰ নিৰুদ্দেশ হৈ যোৱাৰ অভিযোগ উত্থাপন কৰি চৰকাৰক আক্রমণৰ লক্ষ্য কৰি লৈছিল।
আনহাতে, আগন্তুক ৯ ছেপ্টেম্বৰত অনুষ্ঠিত হ’বলগীয়া উপ-ৰাষ্ট্ৰপতি নিৰ্বাচনৰ প্ৰাকমূহুৰ্তত অমিত শ্বাহৰ এই মন্তব্য তাৎপৰ্যপূৰ্ণ বুলি পৰ্যবেক্ষকসকলে মত প্ৰকাশ কৰিছে। ইফালে এন ডি এ (NDA)ৰ প্ৰাৰ্থী হিচাপে মহাৰাষ্ট্ৰৰ ৰাজ্যপাল চি পি ৰাধাকৃষ্ণনৰ নাম ঘোষণা কৰা হৈছে। অন্যপক্ষত, বিৰোধী ইণ্ডিয়া মিত্ৰজোঁটে উচ্চতম ন্যায়ালয়ৰ প্ৰাক্তন ন্যায়াধীশ বি. সুদৰ্শন ৰেড্ডীক প্ৰাৰ্থী হিচাপে প্ৰক্ষেপ কৰিছে। সুদৰ্শন ৰেড্ডীৰ প্ৰাৰ্থীত্বৰ প্রসঙ্গত অমিত শ্বাহে কয়, “তেওঁ ছালৱা জুডুম নাকচ কৰি আদিবাসীসকলৰ আত্মৰক্ষাৰ অধিকাৰ হৰণ কৰিছিল। ইয়াৰ ফলতেই নক্সালবাদ দুটা দশকৰো অধিক সময় ধৰি দেশত চলি আহিছিল।” শ্বাহৰ মতে, বাওঁপন্থী মতাদৰ্শৰ
