উত্তৰ-পূবৰ ৰাজ্য মিজোৰামৰ চেম্ফাই জিলাক শুকুৰবাৰে নিশা পুনৰ এক মজলীয়া ধৰণৰ ভূমিকম্পই জোকাৰি যায়।
ৰিখটাৰ স্কেলত ৩.৮ প্ৰাবল্যৰ ভূমিকম্পটোৰ ফলত জিলাখনৰ বিভিন্ন স্থানত ভূমিস্খলন হয় বুলি জানিব পৰা গৈছে।
শুকুৰবাৰে নিশা অহা ভূমিকম্পটোৰ ফলত ৰাজ্যখনত কোনো লোক হতাহত হোৱাৰ বাতৰি লাভ কৰা হোৱা নায়।
শুকুৰবাৰৰ ভূমিকম্পটোকে ধৰি বিগত পাঁচ সপ্তাহত পাহাৰীয়া ৰাজ্যখনক মুঠ ২৩ টা ভূমিকম্পই জোকাৰি গৈছে।
ৰাজ্যখনত সঘনাই অহা ভূমিকম্পৰ ফলত জনসাধাৰণ অতংকিত হৈ পৰিছে।
বহুলোকে নিজৰ ঘৰৰ পৰিৱৰ্তে অস্থায়ীভাৱে নিৰ্মাণ কৰা টেণ্টত থাকিবলৈ আৰম্ভ কৰিছে বুলিও চেম্ফাই জিলা জিলা উপায়ুক্ত মাৰিয়া চি টি জুৱালিয়ে কয়।
উল্লেখযোগ্য যে, বিগত মাহত মিজোৰামত হোৱা আন এটা মধ্যমীয়া ধৰণৰ ভূমিকম্পৰ ফলত ৰাজ্যখনৰ বিভিন্ন বাট-পথৰ লগতে গীৰ্জা ঘৰকে ধৰি ব্যক্তিগত আৰু ৰাজহুৱা সা-সম্পত্তিৰ ক্ষতি সাধন হৈছিল।
কেন্দ্ৰ চৰকাৰেও মিজোৰামত ক্ৰমাগতভাৱে হৈ থকা ভূমিকম্পৰ বিষয়টো গুৰুত্ব সহকাৰে গ্ৰহণ কৰিছে।
