Ancient dinosaur skeleton sells at auction আমেৰিকা যুক্তৰাষ্ট্ৰত এটা বিৰল প্ৰাচীন ডাইনোচৰৰ কংকাল এজন অজ্ঞাত ক্ৰেতাক মাত্ৰ $6 মিলিয়ন (£5 মিলিয়ন)ত বিক্ৰী কৰা হৈছে। ভাৰতীয় মুদ্ৰাত এয়া হৈছে ৪৭,৬১,৯৩,০৬০.০০টকা।
এই নিলাম চোথবীৰ দ্বাৰা আগবঢ়োৱা হৈছিল আৰু বৃহস্পতিবাৰে নিউয়ৰ্ক চহৰত প্ৰতিষ্ঠানটোৰ প্ৰাকৃতিক ইতিহাস নিলামত এইটো বিক্ৰী কৰা হয়।
জীৱাশ্মটো হৈছে গৰ্গোচ’ৰাছৰ Gorgosaurus) – যিটো ২০১৮ চনত আৱিষ্কাৰ কৰা কুখ্যাত আৰু মাৰাত্মক প্ৰজাতি টাইৰানোচাৰাছ ৰেক্সৰ (Tyrannosaurus rex) দূৰ সম্পৰ্কীয় আত্মীয়।
অজ্ঞাত ক্ৰেতাগৰাকীয়ে এসময়ৰ শীৰ্ষ দমনীয় প্ৰজাতিটোৰ এটা উপনাম প্ৰদান কৰাৰ এক অনন্য সুযোগ পাব।
এইটো চোথবীৰ দ্বাৰা নিলাম কৰা জীৱাশ্মৰ দ্বিতীয়টো ডাইনোচৰৰ কংকালৰ বিক্ৰী। প্ৰথমটো, চু নামৰ এটা টি-ৰেক্স, ১৯৯৭ চনত চিকাগোৰ ফিল্ড মিউজিয়ামক ৮.৩৬ মিলিয়ন ডলাৰত বিক্ৰী কৰা হৈছিল।
গৰ্গোচ’ৰাছৰ কংকালটোৱে ৮ মিলিয়ন ডলাৰলৈকে নিবিদা আকৰ্ষণ কৰিব বুলি আশা কৰা হৈছিল।
ব্যক্তিগত মালিকীস্বত্বৰ বাবে আগবঢ়োৱা এইটো এইধৰণৰ একমাত্ৰ নমুনা। বিশ্বজুৰি ইয়াৰ দৰে আৰু মাত্ৰ ২০ টা জীৱাশ্ম আছে।
লগতে পঢ়ক: Big Asteroids: ২৪ ঘণ্টাৰ ভিতৰত আহি আছে দুটা দৈত্যকায় গ্ৰহাণু; খুন্দা মাৰিব পৃথিৱীত!
গৰ্গোচ’ৰাছে প্ৰায় ৭৭ নিযুত বছৰ আগতে পৃথিৱীত ঘূৰি ফুৰিছিল আৰু টি-ৰেক্সৰ দৰে ইয়াৰ এটা ডাঙৰ মুৰ, জোঙাল বেঁকা দাঁতেৰে ভৰ্তি মুখ আৰু সন্মুখৰ হাত-ভৰিত আছিল সৰু দুটা আঙুলি।
চোথবীৰ মতে ইয়াৰ সম্পৰ্কীয় ডাইনোচৰতকৈ ই সৰু আছিল যদিও ই দ্ৰুতবেগী, ভয়ংকৰ আৰু শক্তিশালী কামোৰেৰে “ডাঠ ছাল ফালি চিকাৰৰ মাংসৰ গভীৰতালৈ প্ৰৱেশ” কৰাৰ বাবে সক্ষম আছিল।
এই জীৱাশ্মটো আমেৰিকা যুক্তৰাষ্ট্ৰৰ মণ্টানা ৰাজ্যৰ এক ব্যক্তিগত ভূমিত আৱিষ্কাৰ কৰা হৈছিল। ইয়াৰ ৭৯ ডাল হাড়ৰ উপাদান আছে, ই ১০ ফুট (৩ মিটাৰ) ওখ আৰু ২২ ফুট দীঘল।
গৰ্গোচ’ৰাছৰ কংকালটোৰ এটা উপনাম যদিও এতিয়াও আনুষ্ঠানিকভাৱে ঘোষণা কৰা হোৱা নাই, কিন্তু চোথবীৰ ছ’চিয়েল মিডিয়া অনুসৰণকাৰীসকলৰ মাজত “গৰ্জিয়াছ জৰ্জ” নামটোৱে এক শক্তিশালী ৰূপত আত্মপ্ৰকাশ কৰিছে।
বৃহস্পতিবাৰে নিলামৰ বাবে আগবঢ়োৱা হোৱা অন্যান্য প্ৰাকৃতিক ইতিহাসৰ সামগ্ৰীবোৰৰ ভিতৰত আছিল এটা সম্পূৰ্ণ টি-ৰেক্স ৰুটেড দাঁত, যিটো মাত্ৰ ১,০০,০০০ ডলাৰত বিক্ৰী হয়, এটা ট্ৰাইচেৰাটপছ লাওখোলা যিটো ৬৬১,৫০০ ডলাৰত বিক্ৰী হয় আৰু আছিল এটা তীক্ষ্ণ-দাঁতযুক্ত বাঘৰ জঁকা।
লগতে পঢ়ক: Xi and Biden exchange words: টাইৱানকলৈ উত্তেজনা! জি জিনপিঙৰ সৈতে কি কথা পাতিলে জো বিডেনে?
ডাইনোচৰ জীৱাশ্মৰ বিক্ৰীৰ বিশ্ব অভিলেখ মূল্য এতিয়াও ৩১.৮ মিলিয়ন ডলাৰ হৈয়েই আছে, যিটো ২০২০ চনত এজন ব্যক্তিগত ক্ৰেতাক অনলাইন নিলামত বিক্ৰী কৰা হৈছিল।
