বৌদ্ধ ধৰ্মগুৰু দালাই লামাক ১৯৫৯ চনত ভাৰতলৈ পলাই অহাৰ ক্ষেত্ৰত নিৰাপত্তা প্ৰদান কৰা অন্তিম গৰাকী জীৱিত ব্যক্তিগত সুৰক্ষাদাতা এনেন দাৱাৰ ২৭ ডিচেম্বৰত দেহাৱসান ঘটে।
এনেন দাৱাৰ ২৭ ডিচেম্বৰত আমেৰিকা যুক্তৰাষ্ট্ৰৰ মিন্নেচোতাত ৮৩ বছৰ বয়সত দেহাৱসান ঘটে।
মাত্ৰ ১৫ বছৰ বয়সতে এনেন দাৱাই দালাই লামাৰ ব্যক্তিগত সেনা বাহিনীত যোগদান কৰিছিল।
দালাই লামাক চীনা সৈন্যৰ শেন চকুৰ পৰা সুৰক্ষা প্ৰদান কৰি ভাৰতলৈ পলাই অহাৰ ক্ষেত্ৰত এনেন দাৱাই গুৰুত্বপূৰ্ম ভূমিকা পালন কৰিছিল।
দালাই লামাক মৌচুৰীলৈ এনেন দাৱাই নিৰাপত্তা প্ৰদান কৰি আহিছিল।
পৰৱৰ্তী সময়ত এনেন দাৱাই কেন্দ্ৰীয় তিব্বেতান প্ৰশাসনত যোগদান কৰিছিল আৰু সেৱা আগবঢ়াইছিল।
দালাই লামাৰ অন্তিমগৰাকী জীৱিত দেহৰক্ষীৰ বিয়োগত তিব্বতীয় লোকসকলে গভীৰ শোক ব্যক্ত কৰে।
সম্পুৰ্ণ বৌদ্ধ ধৰ্মীয় ৰীতি-নীতিৰে এনেন দাৱাৰ অন্তিম সংস্কাৰ কৰা হ’ব বুলি জানিব পৰা গৈছে।
