কবিতাৰ মহাসন্মিলন, অসমৰ গোলাঘাট জিলা সমিতিৰ উদ্যোগত কবিতাৰ মহাসন্মিলনৰ বাৰ্ষিক সন্মিলন দেওবাৰে বোকাখাতৰ নাট্য মন্দিৰত অনুষ্ঠিত হয় ৷
বাৰ্ষিক সন্মিলনৰ লগত সংগতি ৰাখি অসমৰ ৬ গৰাকী বিশেষ ব্যক্তিক বঁটা প্ৰদান কৰাৰ উপৰিও ৩৩ গৰাকী বিশিষ্ট ব্যক্তিক সম্বৰ্ধনা প্ৰদান কৰে কবিতাৰ মহাসন্মিলন, অসমে ৷
কবিতাৰ মহাসন্মিলনে২০২০ বৰ্ষৰ শ্ৰেষ্ঠ সাংবাদিকতাৰ বঁটা টাইম ৮ ৰ মুখ্য সম্পাদক পৰাগমণি আদিত্যক, ২০২০ বৰ্ষৰ নিৰ্ভীক সাংবাদিকতাৰ বঁটা প্ৰাগ নিউজৰ উজনি অসমৰ ব্যুৰ’ চিফ উৎপল বৰাক, সামাজিক দায়বদ্ধতা বঁটা যৌথভাৱে সমাজকৰ্মী লিচি মছফিকা আৰু ডঃ হৃদয় ৰঞ্জন দাসক, ভাষা সাহিত্য সন্মান বিশিষ্ট সাহিত্যিক ডলী গোস্বামীক আৰু লোককন্ঠ বঁটা প্ৰদান কৰে অসমৰ লোক সংগীতৰ শিল্পী বিপুল চেতীয়া ফুকনক ৷
অনুষ্ঠানত অসমৰ সাহিত্য, সংস্কৃতি, সামাজিক আদি ক্ষেত্ৰত আগবঢ়োৱা অৱদানৰ বাবে বিশিষ্ট লেখিকা অন্নদা শইকীয়া, জেষ্ঠ সাংবাদিক ভৱেশ শইকীয়া, সাহিত্যিক পেঞ্চনাৰ অপূৰ্ৱ বৰদলৈ, লেখিকা নিজৰা বৰঠাকুৰ, পদ্মেশ্বৰী টাইড, আকাশ ফুকন, অনুৰাগ শঙ্কৰ, মনজিৎ ৰাজখোৱা, প্ৰাঞ্জল পায়েং, উত্তম কুমাৰ বৰদলৈ, ৰঞ্জিৎ গগৈ, জ্যোতি প্ৰসাদ লদীয়া, মনোৰঞ্জন শৰ্মা, যোগেশ বিকাশ গগৈ, আৰিফা হুছেইন বৰা, পংখী কাজল কায়স্থ, আমজুম আৰা হাচান, দিপ্তীময়ী গগৈ, কাবেৰী কছাৰী ৰাজখোৱা, শ্বাশ্বতী শৰ্মা, মলয় বৰুৱা, গীতাঞ্জলী ভাগৱতী, মনিষা শৰ্মা, ডঃ চিত্ৰৰঞ্জন দাস, শ্ৰীমন্ত দত্ত, মঞ্জু হাজৰিকা, প্ৰতিমা বূঢ়াগোঁহাই, কবিতা বৰা, নিতুমণি শৰ্মা, ৰঞ্জিতা হাজৰিকা চেতীয়া, দেৱৰাজ কলিতা, শেৱালী কাকতি আৰু বন্তিৰীমা ফুকনক কবিতাৰ মহা সন্মিলনৰ তৰফৰ পৰা মানপত্ৰ, কিতাপৰ টোপোলা আৰু ফুলাম গামোছাৰে সম্বৰ্ধনা জনোৱা হয় ৷
অনুষ্ঠানত কবিতাৰ মহাসন্মিলনৰ বাৰ্ষিক মুখপত্ৰ “সাঁকো” উন্মোচন কৰে বিশিষ্ট সাহিত্যিক ইছমাইল হুছেইনে ৷
মুখপত্ৰ সাঁকোৰ লগতে আন ১০ গ্ৰন্থও অনুষ্ঠানত উন্মোচন কৰা হয় ৷ অনুষ্ঠানত বিশিষ্ট অতিথি হিচাবে উপস্থিত থাকে ডঃ জয়ন্ত মাধৱ বৰা, ইছমাইল হুছেইন, ডঃ ৰঞ্জিত দত্ত, ডঃ বিনিতা বৰা দেৱ চৌধুৰী, পুতলী কায়স্থ, ৰাজীৱ বৰা আৰু মৃদুল বৰা ৷
বাৰ্ষিক সন্মিলনৰ কাৰ্যসূচী অনুসৰি পুৱা পতাকা উত্তোলন কৰে গোলাঘাট জিলা সমিতিৰ সভাপতি মনো বৰাআৰু বন্তি প্ৰজ্বলন কৰে ডঃ চন্দনা আৰু দিপালী গোস্বামী মহন্তই ৷
