অসমত পুনৰ এজন কোভিড-১৯ পজিটিভ ৰোগী ধৰা পৰিছে। আজি স্বাস্থ্য মন্ত্ৰী হিমন্ত বিশ্ব শৰ্মাই টুইট কৰি এই কথা সদৰী কৰে।
মন্ত্ৰী গৰাকীয়ে জানিবলৈ দিয়া মতে ধুবুৰীৰ আন এজন ব্যক্তিৰ কোভিড-১৯ পজিটিভ ধৰা পৰিছে। এই লোকজনো নিজামুদ্দিন মাৰ্কাজৰ তবলিগী জামাতৰ সমাৱেশৰ সৈতে সম্পৰ্কিত।
অসমত এতিয়া কোভিড-১৯ ত আক্ৰান্তৰ সংখ্যা ৩০জনলৈ বৃদ্ধি পালে।
উল্লেখযোগ্য যে যোৱা ৯ এপ্ৰিলত ধুবুৰীত আন এজন COVID-19 পজিটিভ ৰোগীৰ ঘটনা পোহৰলৈ আহিছিল।
Alert ~ Another person from Dhubri, connected with #TablighiJamaat meet at #NizamuddinMarkaz, has been found #COVID19 positive. The total number of #Covid patients in #Assam now stands at 30.
Update at 9.15 am / April 13 #AssamCovidCount
— Himanta Biswa Sarma (@himantabiswa) April 13, 2020
ধুবুৰী জিলাত চিনাক্ত হোৱা উক্ত আক্ৰান্ত লোকজন জিলাখনৰ পূৰ্বতে চিনাক্ত হোৱা COVID-19 পজিটিভ ৰোগীজনৰ সংস্পৰ্শত অহা লোক আছিল।
এই লোকজন ইয়াৰ পূৰ্বে যোৱা ৭ এপ্ৰিলত ধুবুৰীত ধৰা পৰা এজন COVID-19 পজিটিভ ৰোগীৰ সংস্পৰ্শলৈ আহিছিল।
স্বাস্থ্য মন্ত্ৰী হিমন্ত বিশ্ব শৰ্মাই টুইটাৰ যোগে ধুবুৰীৰ লোকজনৰ দেহত COVID-19 পজিটিভ পোৱা বুলি জানিবলৈ দিছিল।
উল্লেখ্য যে বৰ্তমানলৈ অসমত ক’ৰ’নাত আক্ৰান্ত হোৱা ৩০ গৰাকী লোকৰ ভিতৰত ২৯ গৰাকী লোকৰে দিল্লীৰ নিজামুদ্দিন জামাতৰ সৈতে সম্পৰ্ক আছিল।
