দেশজুৰি চলা লকডাউনত কৃষি মন্ত্রী অতুল বৰাৰ গৃহ সমষ্টি বােকাখাতত কৃষক সকল বিস্তৰ ক্ষতিৰ সন্মুখীন হৈছে। যাৰ বাবে বোকাখাকত অতি সােনকালেই শাক-পাচলিৰ অভাৱ হ’ব পাৰে বুলি শংকা প্ৰকাশ কৰা হৈছে।
দীর্ঘদিনীয়া লকডাউনৰ ফলশ্রুতিত উৎপাদন হৈ থকা বৃহৎ শাক-পাচলিৰ পথাৰ বোৰৰ ফচল নষ্ট হৈ যােৱাৰ পৰিপ্ৰেক্ষিতত আগন্তুক সময়ত হ’ব পাৰে শাক-পাচলিৰ অভাৱ। সেয়ে বােকাখাতৰ মহকুমাধিপতি বিবেক শ্যামে বােকাখাতবাসীক নিজৰ নিজৰ বাসগৃহৰ চৌপাশে পাচলিৰ খেতি কৰিবৰ বাবে আহ্বান জনাইছে।
লকডাউনৰ সময় ছােৱাত ঘৰতে থকাৰ সুবিধা গ্রহণ কৰি প্ৰতিজনেই কায়িক ব্যৱধান অটুত ৰাখি নিজ নিজ বাৰীত শাক-পাচলি খেতি কৰিবলৈ বিনম্র আহ্বান জনাইছে মহকুমা ধিপতিগৰাকীয়ে।
এইক্ষেত্ৰত প্রয়ােজনীয় বীজ কৃষি বিভাগে যােগান ধৰিব বুলিও তেওঁ জনায়।
বীজ যােগানৰ ক্ষেএত সহযােগিতা আগবঢ়াবৰ বাবে পঞ্চায়তৰ সভাপতি-সম্পাদক, ৱার্ড সদস্য সকলকো তেওঁ অনুৰোধ জনাইছে।
ট্রেক্টৰৰ ব্যৱহাৰ নকৰাকৈ বাৰীৰ চুকে কোণে কোৰ মাৰি যিমান পাৰে জিকা, ভেণ্ডি, তিয়হকে ধৰি পাচলিৰ খেতি কৰিবলৈ আহ্বান জনাইছে মহকুমাধিপতি গৰাকীয়ে।
এই কামত প্রত্যেকেই আত্মনিয়ােগ কৰিলে এই জটিল সময়ছােৱাত নিজৰ পাচলিৰ অভাৱ পূৰণ হোৱাৰ লগতে জনসাধাৰণ লাভান্বিত হ’ব বুলিও তেওঁ উল্লেখ কৰে।
