ৰাজ্যৰ ভয়াৱহ পৰিস্থিতিৰ সন্দৰ্ভত সজাগ সচেনতাৰ পৰিচয় দাঙি ধৰি দেওবাৰে প্ৰদেশ কংগ্ৰেছৰ সভাপতি ৰিপুন বৰাই ৯ টাকৈ দিহাৰে মুখ্যমন্ত্ৰীলৈ এখন পত্ৰ প্ৰেৰণ কৰে।
পৰামৰ্শ কেইটা ক্ৰমে—
১. কন্টেইনমেণ্ট জ’নত থকা লোকসকলৰ বাবে বিনামূলীয়া খাদ্যৰ ব্যৱস্থাৰ বা ২,০০০ টকাৰ এককালীন সাহায্য দিয়াৰ ব্যৱস্থা অতি সোনকালে সম্পূৰ্ণ কৰিবলৈ আহ্বান।
২. অসংগঠিত আৰু দুৰ্বল শ্ৰেণীৰ লোকসকলৰ বাবে আৰ্থিক সাহায্য প্ৰদান কৰিবলৈ আহ্বান।
৩. ভিতৰুৱা গাঁও, চাহ বাগিচা অঞ্চলত বাস কৰা দুখীয়া লোকসকলক অনলাইন বুকিঙৰ পৰা ৰেহাই দি তেওঁলোকক বিকল্প ব্যৱস্থাৰে ভেকচিন প্ৰদান কৰিবলৈ আহ্বান।
৪. চাহ বাগিচাকে ধৰি বিভিন্ন উদ্যোগ প্ৰতিষ্ঠানসমূহত সমূহীয়াভাৱে নিৰ্দিষ্ট উদ্যোগ প্ৰতিষ্ঠানত ভেকচিন প্ৰদান কৰিবলৈ আহ্বান।
৫. সীমান্ত অঞ্চল, চৰ চাপৰি অঞ্চলকে ধৰি দুৰ্গম অঞ্চলত বাস কৰা লোকসকলৰ বাবেও ভেকচিনৰ ব্যৱস্থা কৰি দিবলৈ আহ্বান।
৬. গুৱাহাটী মহানগৰীৰ লগতে জিলা সদৰ আৰু মহকুমা সদৰসমূহত থকা ব্যক্তিগত চিকিৎসালয় সমূহত বিনামূলীয়াভাৱে ভেকচিন প্ৰদান কৰিবলৈ আহ্বান।
৭. কোভিড হাস্পতালত ৰোগীয়ে যাতে উপযুক্ত চিকিৎসা, প্ৰয়োজনীয় সেৱা-শুশ্ৰূষা, যতন আদি লাভ কৰে সেয়া সুনিশ্চিত কৰিবৰ বাবে আহ্বান।
৮. সকলো চৰকাৰী লগতে ব্যক্তিগত চিকিৎসালয় সমূহত কোভিড ৰোগীৰ চিকিৎসা বিনামূলীয়া কৰিবলৈ আহ্বান।
৯. কোভিড মহামাৰীৰ সুযোগ লৈ একাংশ অসাধু চক্ৰই বজাৰত সা সামগ্ৰীৰ কৃত্ৰিম নাটনি দেখুৱাই মূল্যবৃদ্ধি কৰা পৰিলক্ষিত দেখা পোৱা গৈছে। সেইহে চৰকাৰক মূল্যবৃদ্ধি নিয়ন্ত্ৰণ কৰিবলৈ আহ্বান।
