স্থায়ী নাগৰিকত্ব প্ৰদানকলৈ অগ্নিগৰ্ভা হৈ থকা অৰুণাচল প্ৰদেশৰ উত্তেজিত জনসাধাৰণক মুখ্য মন্ত্ৰী পেমা খাণ্ডুৱে অনা অৰুণাচলী অনুসূচিত জনজাতি সকলক পি আৰ চি দিয়াৰ সিদ্ধান্ত ভবিষ্যতে তেওঁৰ চৰকাৰে কেতিয়াও নলয় বুলি মন্তব্য কৰে। সোমবাৰে অৰুণাচলৰ জনসাধাৰণক এইদৰে আশ্বাস দিয়ে মুখ্য মন্ত্ৰী গৰাকীয়ে।
আনহাতে, অৰুণাচলৰ শেহতীয়া ৫০ ঘণ্টাজোৰা আইন শৃংখলাহীন আৰু মাৰপিটৰ ঘটনাৰ সাক্ষী জনসাধাৰণক উদ্দেশি দেওবাৰে কেন্দ্ৰীয় গৃহ ৰাজ্য মন্ত্ৰী কিৰেণ ৰিজিজুই উচ্চস্তৰীয় সমিতিয়ে ছয়টা জনজাতিক স্থায়ী নাগৰিকত্বৰ প্ৰমণপত্ৰ প্ৰদান কৰাৰ বাবে দিয়া পৰামৰ্শক চৰকাৰে গ্ৰহণ নকৰে বুলি উল্লেখ কৰে।
ৰিজিজুই অৰুণাচলৰ ব্যাপক হিংসাত্মক ঘটনাক সাৰ-পানী দি প্ৰৰোচিত কৰাৰ বাবে কংগ্ৰেছক দোষাৰোপ কৰে।
উল্লেখযোগ্য যে, অৰুণাচলৰ ইটানগৰ আৰু অন্যান্য অঞ্চলসমূহত সংঘটিত হিংসাত্মক প্ৰতিবাদত তিনিজন লোকৰ মৃত্যু হোৱাৰ লগতে ব্যাপক হাৰত ব্যাক্তিগত আৰু ৰাজহুৱা সা-সম্পত্তি ধ্বংস কৰা হয়।
