স্মৃতিগ্ৰন্থৰ অক্ষমনীয় বানান ভুল; ক্ষমা বিচাৰিলে অসম সাহিত্য সভাই
অসম সাহিত্য সভাৰ পঞ্চসপ্ততিতম শুৱালকুছি অধিৱেনখনৰ স্মৃতিগ্ৰন্থখনিত থকা বানান ভুলৰ প্ৰসংগত অসম সাহিত্য সভাই ক্ষমা প্ৰাৰ্থনা বিচাৰে।
আজি অসম সাহিত্য সভাই এক প্ৰেছ বিবৃতিৰ মাধ্যমেৰে এই ভুলৰ বাবে সকলোৰে পৰা ক্ষমাপ্ৰাৰ্থনা বিচাৰে।
অধিৱেশনখনিৰ স্মৃতিগ্ৰন্থৰ কেইটামান পৃষ্ঠাত হোৱা বানান ভুলৰ বিষয়টো অতিশয় দুঃখজনক বুলি উল্লেখ কৰি বিবৃতিটোত সভাৰ অধিৱেশনৰ স্মৃতিগ্ৰন্থখন সম্পুৰ্ণৰূপে আদৰণি সমিতিৰ এক্তিয়াৰত পৰে বুলি কয়।
আদৰণি সমিতিয়ে বিভিন্ন উপসমিতি গঠনৰ সময়ত স্মৃতিগ্ৰন্থ উপসমিতিও গঠন কৰে আৰু এজন সভাপতি সমন্বিতে এজন বা দুজন সম্পাদকক সম্পাদনাৰ দায়িত্ব অৰ্পন কৰা হয় বুলি বিবৃতিটোত কয়।
এইবেলি শুৱালকুছি অধিৱেশনৰ মূল আদৰণি সমিতিয়ে কেইবাগৰাকী বিশিষ্ট ব্যক্তিক লৈ এখন স্মৃতিগ্ৰন্থ উপসমিতি গঠন কৰি তেওঁলোকৰ ওপৰত স্মৃতিগ্ৰন্থ প্ৰকাশৰ দায়িত্ব অৰ্পন কৰিছিল বুলি উল্লেখ কৰি সমিতিখনে দায়িত্ব আন্তৰিকতাৰে পালন কৰিছিল বুলি কয়।
সভাই প্ৰেছ বিবৃতিত অন্তিম ক্ষণত সময়ৰ নাটনি অথবা শেষ মুহুৰ্তলৈকে লেখা-ফটো আদিৰ সমস্যাৰ বাবে দুই এটা পৃষ্ঠাৰ বেলিকা উপসমিতিখনে ছপাশালৰ কৰ্মীকে ভৰসা কৰিছিল যাৰ বাবে ভুলখিনি হ’বলৈ পালে বুলি প্ৰকাশ কৰে।
স্মৃতিগ্ৰন্থখনৰ বানান ভুলৰ বাবে ড০ পৰমানন্দ ৰাজবংশীয়ে গভীৰ দুখ প্ৰকাশ কৰে আৰু মজুত থকা কিতাপসমূহত ভুলখিনি সংশোধন কৰি দিবলৈ আদৰণি সমিতিক আহ্বান জনায়।