গোৱালপাৰাৰ ছগৰাকী বিশিষ্ট ব্যক্তিলৈ সাংস্কৃতিক মহাসভাৰ বিশেষ সম্বৰ্ধনা বঁটা

অলপতে শিৱসাগৰত সাংস্কৃতিক মহাসভাই আয়োজন কৰা ৰাজ্যিক উপাধি আৰু বঁটা প্ৰদান অনুষ্ঠানত গোৱালপাৰা জিলাৰ সাহিত্য আৰু সংস্কৃতি ক্ষেত্ৰখনলৈ বিশেষ ভাৱে অৰিহনা আগবঢ়োৱা ছগৰাকী বিশিষ্ট ব্যক্তিলৈ “বিশেষ সম্বৰ্ধনা বঁটা” প্রদান কৰা কাৰ্যত জিলাখনৰ বিভিন্ন দল-সংগঠনে উষ্ম আদৰণি জনায় ৷

গোৱালপাৰা চন্দন চক্ৰৱৰ্তী (সাহিত্য আৰু সংস্কৃতিত), দিলীপ কুমাৰ নাথ (সাহিত্যত), হীৰণ প্ৰভা দেৱী (সাহিত্যত), ছজিমুদ্দিন আহমেদ (সাহিত্যত), অঞ্জলি শৰ্মা  (সংগীতত) আৰু জেচমিন চুলতানক (সংগীত আৰু সাহিত্যত) সাংস্কৃতিক মহাসভাই এই সন্মান প্ৰদান কৰে।

উল্লেখযোগ্য যে সাংস্কৃতিক মহাসভা , অসমৰ আহ্বানত শিৱসাগৰ জিলা সাংস্কৃতিক মহাসভা আৰু আদৰণি সমিতিৰ আতিথ্যত অসম চৰকাৰ আৰু শিৱসাগৰ জিলা প্ৰশাসনৰ সহযোগত শিৱসাগৰ ব’ৰ্ডিং খেলপথাৰত তথা বৰৰজা ফুলেশ্বৰী কুঁৱৰী সাংস্কৃতিক সমন্বয় ক্ষেত্ৰত যোৱা ৫ জানুৱাৰীত দুদিনীয়া কাৰ্যসূচীৰে অনুষ্ঠিত ‘ৰাজ্যিক উপাধি আৰু বঁটা প্ৰদান অনুষ্ঠান – ২০১৮’ত অসমৰ বিভিন্ন প্ৰান্তৰ ১১১ গৰাকী ব্যক্তিক ৰাজ্যিক উপাধি আৰু বঁটা প্ৰদান কৰা হয়।