ৰাজ্যিক কেবিনেটে আজি কেইবাটাও গুৰুত্বপূৰ্ণ সিদ্ধান্ত গ্ৰহণ কৰে। জনতা ভৱনত মুখ্যমন্ত্ৰীৰ অধ্যক্ষতাত এই ৰাজ্যিক কেবিনেট বৈঠক অনুষ্ঠিত হয়।
বৈঠকৰ অন্তত তথ্য-জনসংযোগ আৰু সংসদীয় পৰিক্ৰমা দপ্তৰৰ মন্ত্ৰী পিযুষ হাজৰিকাই এক সংবাদমেল যোগে সিদ্ধান্তসমূহ সদৰী কৰে।
আজি লোৱা কেবিনেট সিদ্ধান্তসমূহ ক্ৰমে :
*অসমৰ পৰা “ৰাজহ নগৰ” শব্দটো নাইকিয়া হ’ব। যিসমূহ নগৰত পৌৰসভা নাই সেইসমূহক ৰাজহ নগৰ বুলি এতিয়াৰে পৰা ধৰা নহয়। উদাহৰণস্বৰূপে, শিলঘাট, কলিয়াবৰ, জাগীৰোড, ধূপধৰা, কৃষ্ণাই, পানীতোলা ইত্যাদি।
লগতে পঢ়ক: হাজো আৰক্ষীৰ জালত ৭ জনীয়া কুখ্যাত বাইক চোৰৰ গেং
*ৰাজহ নগৰ নাইকীয়া হোৱাৰ ফলত মাটিৰ প্ৰিমিয়ামৰ পৰিমাণ কমি যাব। প্ৰিমিয়াম বেছি হোৱাৰ কাৰণে বহু লোকে মাটিৰ পট্টা ল’ব পৰা নাছিল। যাৰ ফলত বাসিন্দাসকল যথেষ্ট সমস্যাৰ সন্মুখীন হৈছিল।
*এই নগৰ সমূহত এতিয়াৰে পৰা পেৰিফেৰিয়েল এৰিয়া (সীমান্তৱৰ্তী অঞ্চল!) নাথাকিব।
*পঞ্চায়ত এলেকাৰ দোকানসমূহত আৰু ক্ষুদ্ৰ উদ্যোগৰ বাবে ট্ৰেড লাইচেন্স (বাণিজ্যিক অনুজ্ঞাপত্ৰ) নালাগে। স্কুল, দেশী-বিদেশী, সুৰাৰ বিপনী, নাৰ্চিং হোম, ইটা ভাটাৰ বাবে ট্ৰেড লাইচেন্স লাগিব।
*বিল্ডিং নিৰ্মাণৰ বাবেও পঞ্চায়তৰ পৰা অনুমতি ল’ব নালাগে।
*কোনো উদ্যোগৰ শ্ৰমিকসকলৰ এতিয়াৰে পৰা অনলাইন পঞ্জীয়ন থাকিব লাগিব। ৪০ বছৰৰ ওপৰৰ সকলো শ্ৰমিকৰ বছৰেকীয়া স্বাস্থ্য পৰীক্ষা কৰিব লাগিব।
*শ্ৰমিকৰ সুৰক্ষাৰ বাবে ১০০ জনতকৈ অধিক শ্ৰমিক থকা কোম্পানীৰ একোখনকৈ কমিটি থাকিব লাগিব।
লগতে পঢ়ক:ৰাছিয়া-ইউক্ৰেইন যুদ্ধ: ৰাজধানী কিয়েভসহ চাৰি চহৰত যুদ্ধবিৰতি ঘোষণা ৰাছিয়াৰ
*পৌৰ নিগমৰ নিৰ্বাচন ই ভি এম মেচিনত হ’ব।
* বানপানী, ধুমুহা বা অন্য প্ৰাকৃতিক দুৰ্য্যোগৰ বাবে বাজেটত আগতীয়াকৈ ধন ধাৰ্য কৰা নহয়। কিন্তু কন্টিজেন্সি ফাণ্ডৰ (আকস্মিক প্ৰয়োজনীয়তা) বাবে ২০০ কোটিৰ পৰা ২০০০ কোটিলৈ ধনৰ পৰিমাণ বৃদ্ধি কৰা হৈছে।
