অসমৰ মুখ্যমন্ত্ৰী হিমন্ত বিশ্ব শৰ্মাই শুকুৰবাৰে অসম বিধানসভাত দুঘণ্টীয়া নামাজ বিৰতি বাতিল কৰাৰ কথা ঘোষণা কৰি ঔপনিৱেশিক যুগৰ প্ৰথাসমূহ ত্যাগ কৰাৰ দিশত এই ঘটনাক এক উল্লেখযোগ্য পদক্ষেপ বুলি উল্লেখ কৰে। শুকুৰবাৰে ৰাজহুৱা কৰা এই সিদ্ধান্তত দীৰ্ঘদিনীয়া ব্যৱস্থা বাতিল কৰা হৈছে, য’ত মুছলমান বিধায়ক আৰু কৰ্মচাৰীসকলে জুম্মাৰ নামাজ বা নামাজৰ বাবে বিৰতি ল’ব পাৰে।
এই “ঐতিহাসিক সিদ্ধান্ত”ক সমৰ্থন জনোৱাৰ বাবে মুখ্যমন্ত্ৰী শৰ্মাই বিধানসভাৰ অধ্যক্ষ বিশ্বজিৎ দৈমাৰী আৰু বিধায়কসকলৰ প্ৰতি কৃতজ্ঞতা প্ৰকাশ কৰে।
শৰ্মাই কয় যে ২ ঘণ্টীয়া জুম্মা বিৰতিৰ অৱসান ঘটাই অসম বিধানসভাই উৎপাদনশীলতাক অগ্ৰাধিকাৰ দি ঔপনিৱেশিক প্ৰথাক নস্যাৎ কৰিছে৷
মুখ্যমন্ত্রীয়ে গুৰুত্ব আৰোপ কৰে যে বিধানসভাখনে কোনো ধর্ম বিবেচনা নকৰাকৈয়ে কাম কৰিব লাগে৷
অসম বিধানসভাত নামাজ বিৰতি বাতিল কৰাটো সকলো বিধানসভাৰ সদস্যৰ সৰ্বসন্মতিক্ৰমে লোৱা সিদ্ধান্ত, কাৰ্যকৰীভাৱে শুকুৰবাৰে দিনৰ ১২:০০ বজাৰ পৰা ২:০০ বজালৈ দুঘণ্টীয়া বিৰতিৰ প্ৰথাৰ অন্ত পেলাইছিল।
এই সিদ্ধান্তই বিধানসভাৰ সময়সূচীত এক উল্লেখযোগ্য পৰিৱৰ্তন ঘটায়, যিয়ে এতিয়া শুকুৰবাৰকে ধৰি প্ৰতিদিনে পুৱা ৯:৩০ বজাত কাৰ্যবিধি আৰম্ভ কৰিব।
