ৰাজস্থানৰ মুখ্যমন্ত্ৰী অশোক গেহলটৰ ভুৱা ভিডিঅ’ শ্বেয়াৰ অসমৰ মুখ্যমন্ত্ৰী হিমন্ত বিশ্ব শৰ্মাৰ

অসমৰ মুখ্যমন্ত্ৰী হিমন্ত বিশ্ব শৰ্মাই ৰাজস্থানৰ মুখ্যমন্ত্ৰী অশোক গেহলটৰ ভাষণৰ সম্পাদিত/ অপভ্ৰংশ কৰা ভিডিঅ’ শ্বেয়াৰ কৰাৰ অভিযোগ উঠিছে।

বিজেপিৰ মুখপাত্ৰ লক্ষ্মীকান্ত ভৰদ্বাজে এক্স (টুইটাৰ)ত আপলোড কৰা ভিডিঅ’টোত গেহলটে বেকগ্ৰাউণ্ডত “মোডী মোডী” ধ্বনিৰ মাজত ভাষণ দিয়া দেখা গৈছে।

অৱশ্যে স্বতন্ত্ৰ তথ্য পৰীক্ষক মহম্মদ জুবাইৰে শ্বেয়াৰ কৰা মূল ভিডিঅ’টোত মোডীৰ কোনো উল্লেখ নাই। ইয়াৰ অৰ্থ হ’ল শৰ্মাই শ্বেয়াৰ কৰা ভিডিঅ’টো ভুৱা।

লগতে পঢ়কঃ শুই থকা কোঠাত ফেঁটী সাপ এৰি দি পত্নী, ২ বছৰীয়া কন্যাক হত্যা: গ্ৰেপ্তাৰ ঘাতক ব্যক্তি

বহু কংগ্ৰেছ নেতাই এই পোষ্টক গেহলটক অ-জনপ্ৰিয় আৰু ৰাজস্থানৰ জনসাধাৰণে মোডীক বিচাৰিছে বুলি বিপথে পৰিচালিত কৰাৰ প্ৰয়াস বুলি গণ্য কৰিছিল।

এই বিষয়টো জুবাইৰে নিজৰ অফিচিয়েল এক্স (টুইটাৰ) হেণ্ডেলত উত্থাপন কৰিছে।

Fake News! Assam CM @himantabiswa shares edited video of a speech by Rajasthan CM @ashokgehlot51. There were no Modi Modi Slogans in the actual video. pic.twitter.com/DrysTq5QgY

— Mohammed Zubair (@zoo_bear) November 23, 2023

একাংশ এক্স ব্যৱহাৰকাৰীয়েও হিমন্ত বিশ্ব শৰ্মাক সমালোচনা কৰি কয় যে ইমান উচ্চ পদবীত বহি থকা ব্যক্তিয়ে “ভুৱা কন্টেন্ট শ্বেয়াৰিং” কৰা উচিত নহয়।

আন এজন ব্যৱহাৰকাৰীয়ে প্ৰশ্ন উত্থাপন কৰে যে ভুৱা কন্টেন্ট শ্বেয়াৰ কৰাৰ বাবে অসমৰ মুখ্যমন্ত্ৰী আৰু ভৰদ্বাজৰ বিৰুদ্ধে কিয় কোনো ব্যৱস্থা গ্ৰহণ কৰা নহ’ল।