এইমছ নিৰ্মাণকাৰ্য্যৰ বুজ ল’লে মুখ্য মন্ত্ৰী সোণোৱালে
অসমৰ মুখ্য মন্ত্ৰী সৰ্বানন্দ সোণোৱালে স্বাস্থ্য মন্ত্ৰী হিমন্ত বিশ্ব শৰ্মাক লগত লৈ কামৰূপ জিলাৰ চাংসাৰিত নিৰ্মাণৰত এইমছৰ নিৰ্মাণকাৰ্য্যৰ অগ্ৰগতিৰ দেওবাৰে বুজ লয়।
“এইমছৰ নিৰ্মাণকাৰ্য্য সম্পূৰ্ণ হৈ উঠিলে অকল উত্তৰ-পূৰ্বাঞ্চলৰে নহয় সমগ্ৰ দক্ষিণ-পূব এছিয়াৰ মেডিকেল হাব হিচাপে অসম পৰিগণিত হ’ব,” সোণোৱালে কয়।
“…উচ্চ পৰ্য্যায়ৰ চিকিৎসা লাভ কৰিবৰ বাবে জনসাধাৰণে ৰাজ্যৰ বাহিৰলৈ যাব নালাগিব।”
নিৰ্মাণ ফাৰ্মৰ বিষয়ববীয়াৰে হোৱা মুখ্য মন্ত্ৰীৰ বৈঠকত তেওঁলোকে জনায় যে ২০২১ চনৰ জুন মাহৰ ভিতৰত প্ৰথম পৰ্য্যায়ৰ নিমাণকাৰ্য্য সম্পূৰ্ণ হৈ উঠিব। দ্বিতীয় পৰ্য্যায়ৰ কাম ’২২ৰ জুনত সম্পূৰ্ণ হ’ব।
মুখ্য মন্ত্ৰীয়ে ক’ভিড মহামাৰীৰ বাবে দেশৰ ভিন্ন প্ৰান্তৰ পৰা ৰাজ্যলৈ ওভটা যুৱকসকলক নিৰ্মাণকাৰ্য্যত জৰিত কৰোৱাৰ ওপৰত গুৰুত্ব আৰোপ কৰে।
Inspected the under construction AIIMS, Guwahati along with health minister Shri @himantabiswa and reviewed progress of works.
Once completed, the premier healthcare institute will provide state-of-the-art services to the people of Assam & NE. pic.twitter.com/YZG8qPPpAO
— Sarbananda Sonowal (@sarbanandsonwal) July 12, 2020
মুখ্য মন্ত্ৰীয়ে নিৰ্মাণৰ কামত সহযোগিতা আগবঢ়াবলৈ ৰাজ্যৰ বিভিন্ন বিভাগসমূহক নিৰ্দেশ দিয়ে।
এই পৰিদৰ্শনৰ সময়ত স্বাস্থ্য বিভাগৰ প্ৰধান সচিব সমীৰ কুমাৰ সিনহা আৰু কামৰূপ জিলাৰ উপায়ুক্ত আৰু আৰক্ষী অধীক্ষকো উপস্থিত আছিল।