অসম আৰক্ষীৰ শীৰ্ষ বিষয়া পৰ্য্যায়ত ব্যাপক ৰদ-বদল
বৃহস্পতিবাৰে অসম চৰকাৰে আৰক্ষী বিভাগত এক বৃহৎ ৰদ বদল কৰা পৰিলক্ষিত হয়। আৰক্ষী অধীক্ষক ৰূপে কাৰ্যনিৰ্বাহ কৰি থকা কেইবাগৰাকী বিষয়াক বদলি কৰাৰ লগতে নতুন নতুন দায়িত্ব প্ৰদান কৰে।
হাইলাকান্দিৰ আৰক্ষী অধীক্ষক হিচাপে কৰ্মৰত মহনীশ মিশ্ৰক মুখ্য মন্ত্ৰীৰ দুৰ্নীতি নিবাৰক শাখাৰ এছ পি হিচাপে বদলি কৰা হৈছে। ইফালে গুৱাহাটী (পূব)ৰ ডিচিপি ৰমনদ্বীপ কৌৰক এচিষ্টেণ্ট আই জি পি(এল) হিচাপে বদলি কৰা হৈছে।
এচিষ্টেণ্ট আই জি পি(আৰ) ৰঞ্জন ভূঞাক গুৱাহাটী (পূব)ৰ ডিচিপি হিচাপে বদলি কৰে। ইফালে মুখ্য মন্ত্ৰীৰ দুৰ্নীতি নিবাৰক শাখাৰ এছ পি মিহিৰ জ্যোতি গায়নক বিশেষ শাখাৰ এছ পি ৰূপে বদলি কৰে।
আনহাতে প্ৰশাসনৰ উপ আৰক্ষী আয়ুক্ত পবিন্দ্ৰ কুমাৰ নাথক বদলি কৰা হয় হাইলাকান্দিৰ আৰক্ষী অধীক্ষক হিচাপে। ইফালে এচিষ্টেণ্ট আই জি পি(এল) ৰিপুল দাসক গুৱাহাটীৰ ডি চি পি (চেণ্ট্ৰেল) ৰূপে বদলি কৰে।
ডি চি পি (চেণ্ট্ৰেল) ধৰ্মেন্দ্ৰ কুমাৰ দাসক এচিষ্টেণ্ট আই জি পি(আৰ) ৰূপে বদলি কৰে। ডি আই জি পি(সুৰক্ষা) দেৱজিত্ মুখাৰ্জীক গুৱাহাটীৰ ডি আই জি (সীমান্ত) ৰূপে বদলি কৰা হয়।