ঐতিহাসিক অসম আন্দোলনৰ স্মৃতি যুগমীয়া কৰি ৰখাৰ বাবে অসম চৰকাৰৰ উদ্যোগত কামৰূপ (মহানগৰ) জিলাৰ পশ্চিম বৰগাঁৱত ‘শ্বহীদ স্মাৰক ক্ষেত্ৰ’ত নিৰ্মাণ হ’ব ‘শ্বহীদ স্মাৰক স্তম্ভ।’
এই ‘শ্বহীদ স্মাৰক স্তম্ভ’টো তাজমহল, কুতুব মিনাৰতকৈও ওখ স্তম্ভ হিচাপে বিবেচিত হ’ব। ‘শ্বহীদ স্মাৰক স্তম্ভ’টোৰ উচ্চতা হ’ব ৮০ মিটাৰ।
আজি মুখ্য মন্ত্ৰী সৰ্বানন্দ সোণোৱালে অসম চৰকাৰৰ উদ্যোগত কামৰূপ (মহানগৰ) জিলাৰ পশ্চিম বৰগাঁৱত নিৰ্মাণ হ’বলগীয়া “শ্বহীদ স্মাৰক ক্ষেত্ৰ”ৰ বিষয়ে পৰ্যালোচনা কৰে।
অসম আন্দোলনৰ শ্বহীদসকলৰ মহান ত্যাগ আৰু বিভিন্ন ঘটনা পৰিক্ৰমা যাতে স্মাৰক ক্ষেত্ৰত প্ৰতিফলিত হয়, তাৰ বাবে ব্যৱস্থা ল’বলৈ মুখ্য মন্ত্ৰী সৰ্বানন্দ সোণোৱালে আজি বিষয়ববীয়াক নিৰ্দেশ দিয়ে।
লগতে উক্ত ক্ষেত্ৰত ৰাজ্যৰ বিভিন্ন জাতি-জনগোষ্ঠীৰ কৃষ্টি-সংস্কৃতি প্ৰতিফলিত কৰিবলৈও মুখ্য মন্ত্ৰী গৰাকীয়ে নিৰ্দেশ দিয়ে।
