বিগত ২৪ ঘণ্টাত অসমত কোভিডত মৃত্যু ১৪ গৰাকী লোকৰ,২,২৩৬ গৰাকী লোক নতুনকৈ আক্ৰান্ত

ৰাজ্যত কোভিডৰ সংহাৰ কমক চাৰি প্ৰতিদিনে বাঢ়িহে গৈছে। কালি কোভিডত ১২ গৰাকী লোকৰ মৃত্যু ঘটাৰ পিছত আজি কোভিডে প্ৰাণ কাঢ়ি নিয়া লোকৰ সংখ্যা হয়গৈ ১৪ গৰাকী।

স্বাস্থ্যমন্ত্ৰী হিমন্ত বিশ্ব শৰ্মাই আজি টুইট যোগে প্ৰকাশ কৰিছে যে ৰাজ্যত বিগত ২৪ ঘণ্টাত কোভিডত নতুনকৈ আক্ৰান্ত হৈছে ২,২৩৬ গৰাকী লোক।

এই সময়ছোৱাত ৰাজ্যত কৰা হৈছে ৬৯,০৯৪ টা কোভিডৰ পৰীক্ষা। অসমত আজি কোভিডৰ পজিটিভিটিৰ হাৰ হৈছে ৩.২৪ শতাংশ।

কামৰূপ মেট্ৰ’ত বিগত ২৪ ঘণ্টাত ৮১৫ গৰাকী লোক।একেদৰে ভাৰতত আজি কোভিডৰ পৰা আৰোগ্য হোৱাৰ হাৰ হৈছে ৮৩.৪৯ শতাংশ।

ইপিনে কলিয়াবৰত  আজি ১২ জন  লোক নতুনকৈ আক্ৰান্ত হৈছে কোভিড-১৯ত।

জখলাবন্ধা চিকিৎসালয়ত কৰা টেষ্টত আজি ৬ জন লোক আক্ৰান্ত হয় কোভিডত।

ইফালে চিমনাবস্তি চিকিৎসালয়ৰ কোভিড চেন্টাৰৰ সৈতে জড়িত আন চাৰিটা কোভিড টেষ্ট কেন্দ্ৰত কৰা টেষ্টত ৬ জন লোক আক্ৰান্ত হয় কোভিডত।

আটাইকেইগৰাকী আক্ৰান্তকে বৰ্তমান হোম আইচ’লেচনত থকাৰ নিৰ্দেশ দিয়ে স্বাস্থ্য বিভাগে।

এই পৰ্যন্ত কলিয়াবৰত কোভিড-১৯ত আক্ৰান্তৰ সংখ্যা  ৬৫ লৈ বৃদ্ধি পালে।সুস্থ হৈ উঠিছে- ১৪ গৰাকী,সক্ৰিয় ৰোগীৰ সংখ্যা হৈছেগৈ ৫১ গৰাকী লোক।