নৱবৰ্ষ উদযাপনৰ সময়ত ৰাজ্যত কোভিড পজিটিভিটিৰ হাৰ নিম্নগামী হৈ থকাৰ লগতে সুস্থতাৰ হাৰো বৃদ্ধি পাইছে যদিও অ’মিক্ৰণৰ সংক্ৰমণক লৈয়ো আশংকা অব্যাহত আছে।
শুকুৰবাৰৰ দিনটোত ৰাজ্যখনত কোভিডত কোনো লোকে প্ৰাণ হেৰুওৱা নাই।
বিগত ২৪ ঘণ্টাত ৰাজ্যত কৰ’না ভাইৰাছত আক্ৰান্ত হৈছে ১৯২গৰাকী লোক। বৃহস্পতিবাৰে ৰাজ্যত আক্ৰান্ত হৈছিল মুঠ ১০১গৰাকী লোক।
শুকুৰবাৰৰ দিনটোত ২৪,৮১৭ টা কোভিড পৰীক্ষা সম্পন্ন কৰা হয়।
কামৰূপ মেট্ৰ’ত বিগত ২৪ ঘণ্টাত কোভিডত আক্ৰান্ত হৈছে ১০৫ গৰাকী লোক। বৃহস্পতিবাৰে এই সংখ্যা আছিল মাত্ৰ ২৪গৰাকী।
কোভিড পজিটিভিটিৰ হাৰ হৈছে ০.৭৭ শতাংশ। এই সময়ছোৱাত সুস্থতাৰ হাৰ হৈছে ৯৮.৬৫ শতাংশ।
Summary of 31/12/2021
Today’s Total 192
Overall Positivity Percentage (192 cases out of 24,817 test done = 0.77%)
Kamrup(M) 105
Death 0
Recovery Rate 98.65%
— Keshab Mahanta (@keshab_mahanta) December 31, 2021
ইপিনে দেশত কোভিডৰ নতুন ভেৰিয়েন্ট অ’মিক্ৰণৰ সংক্ৰমণ বৃদ্ধি পোৱাৰ সময়ত অসমতো অ’মিক্ৰণৰ সংক্ৰমণৰ সন্ধান পোৱা গৈছে।
ইপিনে, বিশেষজ্ঞসকলে কোভিডৰ তৃতীয় লহৰৰ সম্ভাৱনাৰ প্ৰতি লক্ষ্য ৰাখি জনসাধাৰণক কোভিড বিধিসমূহ মানি চলিবলৈ আহ্বান জনাইছে।
