মাতৃভাষা জ্ঞানবিহীন লোকক চাকৰিত মকৰল নকৰাৰ সিদ্ধান্ত লওক কেন্দ্ৰীয় মন্ত্ৰীসভাত : সাহিত্য সভা
এখন শক্তিশালী ‘জাতীয় সত্ত্বাৰ ভাৰতবৰ্ষ’ গঢ়াৰ স্বাৰ্থত মাতৃভাষাৰ শিক্ষাক গুৰুত্ব আৰোপ কৰি তৎকালীন ব্যৱস্থা হাতত ল’বলৈ প্ৰধান মন্ত্ৰীৰ প্ৰতি অসম সাহিত্য সভাই আৱেদন জনাইছে।
এইক্ষেত্ৰত বৰ্তমান দেশত বাহাল থকা কেৱল এটি ভাষা (ইংৰাজী) জ্ঞানৰ শিক্ষানীতি সংশোধনী কৰিবলৈও সভাই প্ৰধান মন্ত্ৰীক অনুৰোধ জনায়।
‘কেৱল ইংৰাজী ভাষাজ্ঞানেৰে শিক্ষিত হোৱা শিক্ষানীতিৰ আসোঁৱাহ আঁতৰাই মাতৃভাষা জ্ঞানবিহীন লোকক কোনোধৰণৰ চাকৰিত মকৰল নকৰাৰ সিদ্ধান্ত লওক কেন্দ্ৰীয় মন্ত্ৰীসভাত’-আজি সাহিত্য সভাৰ সভাপতি পৰমানন্দ ৰাজবংশীৰ দ্বাৰা স্বাক্ষৰিত এখন আৱেদন পত্ৰত এইদৰে কোৱা হয়।
‘মাতৃভাষাৰ জ্ঞান অবিহনে জাতীয় জীৱন গঢ়ি নুঠিলে সাৰ্বভৌম ৰাষ্ট্ৰ আৰু বৈচিত্ৰ্যৰ মাজত ঐক্য কেতিয়াও সম্ভৱ নহয়’ বুলি উল্লেখ কৰি লগতে কয় ‘যিটো সময়ত গৰিষ্ঠসংখ্যক ভাৰতীয়ই তিনিটা-চাৰিটা ভাষাৰ বোজাৰে বৌদ্ধিক জীৱন গঢ়ি তুলিছে, সেই সময়তেই কেৱল মাথো এটি ভাষাৰে প্ৰাৰ্থমিক ভাৰতীয়ই তিনিটা-চাৰিটা ভাষাৰ বোজাৰে বৌদ্ধিক জীৱন গঢ়ি তুলিছে, সেই সময়তেই কেৱল মাথো এটি ভাষাৰে প্ৰাথমিক খণ্ডৰ পৰা উচ্চশিক্ষা আহৰণ কৰা উচ্চমধ্যবিত্তই মাতৃভাষাক তুচ্ছ-তাচ্ছিল্য কৰি স্বাধীন ভাৰতৰ সত্ত্বাক অৱজ্ঞা কৰি আহিছে।‘
‘ভাৰতীয় প্ৰশাসন, শৈক্ষিক জীৱনত কেৱল মাত্ৰ ইংৰাজী ভাষাতে শিক্ষিত লোকৰ দপদপনিত মাতৃভাষা জ্ঞানসহ তিনি-চাৰিতা ভাষাৰ বোজাত শিক্ষিত লোক আজি আমাৰ চকুৰ আগতে কোঙা হৈ পৰিছে।‘-এই মত সাহিত্য সভাৰ।
অসম সাহিত্য সভাই আজি প্ৰধান মন্ত্ৰীলৈ প্ৰেৰণ কৰা আৱেদনৰ প্ৰতিলিপি দেশৰ ৰাষ্ট্ৰপতি তথা উপ-ৰাষ্ট্ৰপতিলৈও প্ৰেৰণ কৰে।